ދިވެހިރާއްޖެއިން އިންޑިއާއަށް ކަނޑައަޅުއްވާފައިހުންނަވާ ސަފީރު، އަޙްމަދު މުޙައްމަދު ދިވެހިފެތުންތެރިންނާއި ބައްދަލުކޮށްލައްވައިފިއެވެ. 12 ވަނަ ސައުތު އޭޝިއަން ގޭމްސްގައި ދިވެހިރާއްޖެ ތަމްޞީލްކުރުމަށް އިންޑިއާގެ ގްވަހަޓީއަށް ދިޔުމަށް މިހާރު ދަތުރު ފަށާފައިވާ ދިވެހި ފެތުންތެރިންނާއި ސަފީރު ބައްދަލުކޮށްލެއްވީ، އިންޑިއާގެ ނިއުދިއްލީގައެވެ. ނިއުދިއްލީގައި މިހާރު ޓްރާންސިޓްކޮށްފައިވާ ދިވެހި ސްވިމިންގް ޓީމާއި ބައްދަލުކޮށް ދިވެހިރާއްޖެއިން އިންޑިއާއަށް ކަނޑައަޅުއްވާފައިިހުންނަވާ ސަފީރު ދެއްކެވި ވާހަކަފުޅުގައި ދިވެހި ފެތުންތެރިންނަށް ވަނީ ހިތްވަރުދެއްވާފައެވެ.
ހޮޓެލް ރަޙްމާން ޕެލަސްގައި މިރޭ ބޭއްވެވި މިބައްދަލުކޮށްލެއްވުވުމުގައި ދިވެހި ސްވިމިންގ ޓީމްގެ ފަރާތުން ޤައުމީ ސްވިމިންގ ޓީމްގެ ހެޑްކޯޗު، އިސްމާޢިލް ފަރުޙާން ދެއްކެވި ވާހަކައިގައި އިންޑިއަން ހައިކޮމިޝަންގެ ފަރާތުން ޤައުމީ ފެތުންތެރިންނަށް ފޯރުކޮށްދެވި އެހީތެރިކަމަށާއި، ދިވެހި ފެތުންތެރިންނާއި ބައްދަލުކޮށް ހިތްވަރުދެއްވިކަމަށްޓަކައި ވަނީ ޝުކުރުދަންނަވާފައެވެ.
12 ވަނަ ސައުތު އޭޝިއަން ގޭމްސްގައި ވާދަކުރާ ދިވެހިފެތުންތެރިންނަށް ގްވަހަތީއަށް ދެވޭނީ މާދަމާ މެންދުރުފަހު 13:00 ގައެވެ.
#Maldives Swimming Team transiting in Delhi, on the way to Guwahati to participate in the 12th #SAFGames pic.twitter.com/ZWx1WgXrcE
— Ahmed Mohamed (@ahmedMDV) February 3, 2016
HC @ahmedMDV with #Maldives Swimming Team on the way to Guwahati to participate in the 12th #SAFGames @MDVForeign pic.twitter.com/3b5yhk0Wru
— MDV HighCom DEL (@MDVDelhighcom) February 3, 2016