National Squads are Sponsored by:
އިންޑިއާގެ ގްވަހަތީގައި މިހާރު ކުރިއަށްދާ 12 ވަނަ ސައުތު އޭޝިއަން ގޭމްސްގައި އަންހެނުންގެ 4 ގުނަ 100 މީޓަރު މިޑްލޭ ރިލޭ އިވެންޓްގެ ޤައުމީ ރެކޯރޑް ސްވިމިންގ ޓީމުން އާކޮށްފިއެވެ. މިއިވެންޓްގެ ޤައުމީ ރެކޯރޑް އާކޮށްފައިވަނީ 05:29.85 އިން ރޭސް ފުރިހަމަކޮށްގެންނެވެ.
އަންހެނުންގެ 4 ގުނަ 100 މީޓަރު މިޑްލޭ ރިލޭ އިވެންޓްގެ ޤައުމީ ރެކޯރޑް އާކުރި ޓީމުގައި ހިމެނޭ ފެތުންތެރިން:
- އައިމިނަތު ޝަޖަން
- އާއިޝަތު ސާޖިނާ
- އައިޝަތު ސައުސަން
- އަންމާޢު އަޙްމަދު ސަލީމް
- އާއިޝަތު ހުލްވާ ޚުލައިލް (ރިޒާވް)
މި އިވެންޓްގެ ޤައުމީ ރެކޯރޑް އެންމެފަހުން އާކޮށްފައިވަނީ 2004 ވަނަ އަހަރު ޕާކިސްތާނުގެ އިސްލާމްއާބާދުގައި ބޭއްވި 9 ވަނަ ސާފް (ސައުތު އޭޝިއަން) ގޭމްސްގައެވެ. އެފަހަރު ދިވެހި އަންހެން ސްވިމިންގ ޓީމް، 4 ގުނަ 100 މީޓަރު މިޑްލޭ ރިލޭ އިވެންޓް ނިންމާފައިވަނީ 05:51.87 އިންނެވެ.
މިއަދުގެ ސެޝަނާއިއެކު 12 ވަނަ ސައުތު އޭޝިއަން ގޭމްސްގެ ސްވިމިންގ އިވެންޓްތައް ނިމުނީއެވެ. މިމުބާރާތުގައި ރާއްޖޭގެ ފެތުންތެރިން 13 ޤައުމީ ރެކޯރޑެއް އާކޮށް، 1 ބްރޯންޒް މެޑަލް ވަނީ ހޯދާފައެވެ.
official photographer of 12th South Asian Games Team Maldives
our sponsors and partners