ފީނާ އޯޕަން ވޯޓަރ ސްވިމިންގ އޮފިޝަލް ސްކޫލްގައި ބައިވެރިވުމުގެ ފުރުޞަތު

ބައިނަލްއަޤްވާމީ ފެތުމުގެ ކުޅިވަރުތަކާއިބެހޭ ޖަމްޢިއްޔާ، ފީނާ އިން ރާއްޖޭގައި ބޭއްވުމަށް ހަމަޖެހިފައިވާ ފީނާ އޯޕަން ވޯޓަރ ސްވިމިންގ އޮފިޝަލް ޓްރެއިނިންގ ސްކޫލް 2017 ޖުލައި 2 އަދި 3 ގައި ބޭއްވުމަށް ވަނީ ހަމަޖެހިފައެވެ. މިސެމިނަރ އަކީ ޤައުމީ އަދި ބައިނަލްއަޤްވާމީ ފެންވަރުގައި އޯޕަން ވޯޓަރ ސްވިމިންގ މުބާރާތްތައް އޮފިޝިއޭޓްކުރުމަށް އޮފިޝަލުން ތަމްރީންކުރުމުގެ ބޭނުމުގައި ބޭއްވޭ ސެމިނަރ އެކެވެ.

ވީމާ، މި ސެމިނަރގައި ބައިވެރިވާން އެދޭފަރާތްތަކުން 13 ޖޫން 2017 ވާ އަންގާރަ ދުވަހުގެ 13:00ގެ ކުރިން މިއެސޯސިއޭޝަނަށް ފޯރމް ހުށަހެޅުއްވުން އެދެމެވެ.

  • ސެމިނަރގެ ނަން: ފީނާ އޯޕަން ވޯޓަރ ސްވިމިންގ އޮފިޝަލް ޓްރެއިނިންގ ސްކޫލް
  • ސެމިނަރ ބޭއްވޭ ތާރީޚް: 2 ން 3 ޖުލައި 2017، ކޮންމެ ދުވަހަކު ހެނދުނު 09:00 ން 17:00 އަށް
  • ސެމިނަރ ބޭއްވޭ ތަން: މާލެ
  • ސެމިނަރގައި ބައިވެރިވުމުގެ ޝަރުތު:
    • 18 އަހަރު ފުރިފައިވާ މީހެއްކަމުގައިވުން.
    • އިނގިރޭސިބަހުން ރަނގަޅަށް ލިޔަން، ކިޔަން އަދި ވާހަކަދައްކަން އިނގޭ މީހެއްކަމުގައިވުން.
    • މިސެމިނަރގައި ބައިވެރިިވެ، އޯޕަން ވޯޓަރ ސްވިމިންގ މުބާރާތްތަކުގައި އޮފިޝަލެއްގެ ގޮތުގައި ޚަރަކާތްތެރިވެވޭނެ ނަފްސާނީ އަދި ޖިސްމާނީ ގޮތުން ދުޅަހެޔޮ ފަރާތެއްކަމުގައިވުން.
  • ބައިވެރިވާން އެދޭ ފޯރމް: (ޑައުންލޯޑް ލިންކް)
  • ފޯރމާއިއެކު ހުށަހަޅަންޖެހޭ ތަކެތި:
    • ނެޝަނަލް އައިޑެންޓިޓީ ކާރޑްގެ ކުލަ ކޮޕީއެއް.
    • ހުދު ބެކްގްރައުންޑެއްގައި ނަގާފައިވާ ޕާސްޕޯރޓް ސައިޒްގެ ފޮޓޯގަނޑެއް.

ބައިވެރިން ނެގުމުގައި ސްވިމިންގ އެސޯސިއޭޝަނަށް އޮފިޝަލުންގެ ގޮތުގައި ޚިދުމަތްކޮށްދީފައިވާ ފަރާތްތަކަށް އިސްކަންދެވޭނެއެވެ.


our sponsors and partners

ފީނާ އޯޕަން ވޯޓަރ ސްވިމިންގ އޮފިޝަލް ސްކޫލްގައި ބައިވެރިވުމުގެ ފުރުޞަތު