thazkiyah (📷 niya)

ސްރީލަންކާގައި ކުރިއަށްދާ، އެޤައުމުގެ ނެޝަނަލް އެންޑް ޖޫނިއަރ ނެޝަނަލް ލޯންގކޯސް ސްވިމިންގ ޗެމްޕިއަންޝިޕްސް ގެ ޖޫނިއަރ ކެޓަގަރީގެ 200 މީޓަރ އިންޑިވިޖުއަލް މެޑްލޭ އިވެންޓުން ސިލްވަރ މެޑަލް އަމްނާ ތަޒްކިޔާ މިރުޞާދު ހޯދައިފިއެވެ.

މި މުބާރާތުގައި ދިވެހި ފެތުންތެރިން ވަނީ 3 ބްރޯންޒް އަދި 2 ސިލްވަރ މެޑަލް ހޯދާފައެވެ.

މިއީ މިމުބާރާތުގައި ތަޒްކިޔާ ހޯދި 3 ވަނަ މެޑަލް އެވެ. ފުރަތަމަ ހޯދާފައިވަނީ 100 މީޓަރ ފްރީސްޓައިލް އިވެންޓުން ބްރައުންޒް މެޑަލްއެކެވެ. ދެވަނައަށް ހޯދާފައިވަނީ 50 މީޓަރ ފްރީސްޓައިލް އިވެންޓުން ސިލްވަރ މެޑަލް އެކެވެ. ހަމަ މި މުބާރާތުގައި 4 ގުނަ 100 މީޓަރ މެޑްލޭ ރިލޭ އަދި 4 ގުނަ 50 މީޓަރ ފްރީސްޓައިލް ރިލޭ އިވެންޓުން ލޯމެޑަލް ހޯދި ޓީމުގައިވެސް ތަޒްކިޔާ ހިމެނެއެވެ.

our sponsors and partners

maldivian team (📷 niya)

ސްރީލަންކާގައި ކުރިއަށްދާ އެގައުމުގެ ނެޝަނަލް އެންޑް ޖޫނިއަރ ނެޝަނަލް ލޯންގކޯސް ސްވިމިންގ ޗެމްޕިއަންޝިޕްސް ގައި، ސްވިމިންގ އެސޯސިއޭޝަން އޮފް މޯލްޑިވްސްގެ ފަރާތުން ވާދަކުރި ޖޫނިއަރ އަންހެޓީމުން ބްރޯންޒް މެޑަލް ހޯދައިފިއެވެ. ޖޫނިއަރ ނެޝަނަލް ކެޓަގަރީގެ 4 ގުނަ 50 މީޓަރު ފްރީސްޓައިލް ރިލޭ އިވެންޓުގެ ބްރޯންޒް މެޑަލް ހޯދައިދިން ދިވެހި ޓީމުގައި ހިމެނެނީ އަމްނާ ތަޒްކިޔާ މިރުޞާދު، ޒޯހާ އަޒްލީ ނަސީމް، މަލައިކާ ލިންޑާ އިމްރާން އަދި ޒާހާ ޒައިދުލް ޚަލީލެވެ.

މި އިވެންޓު ފެތުންތެރިން ނިންމާފައިވަނި 02:08.38 އިންނެވެ. މިއީ ޤައުމީ ރެކޯރޑެކެވެ. މި މުބާރާތުގައި މިޓީމުން ވަނީ 4 ގުނަ 100 މީޓަރު މެޑްލޭ ރިލޭ އިވެންޓުންވެސް ބްރޯންޒް މެޑަލް ހޯދާފައެވެ.

our sponsors and partners

thazkiyah (📷 niya)

ސްރީލަންކާގައި ކުރިއަށްދާ، އެޤައުމުގެ ނެޝަނަލް އެންޑް ޖޫނިއަރ ނެޝަނަލް ލޯންގކޯސް ސްވިމިންގ ޗެމްޕިއަންޝިޕްސް ގެ ޖޫނިއަރ ކެޓަގަރީގެ 50 މީޓަރ ފްރީސްޓައިލް އިވެންޓުގެ ސިލްވަރ މެޑަލް އަމްނާ ތަޒްކިޔާ މިރުޞާދު ހޯދައިފިއެވެ.

މި މުބާރާތުގައި ދިވެހި ފެތުންތެރިން ވަނީ މިހާތަނަށް 2 ބްރޯންޒް އަދި 1 ސިލްވަރ މެޑަލް ހޯދާފައެވެ.

ފައިނަލްގައި ތަޒްކިޔާ 50 މީޓަރ ފްރީސްޓައިލް އިވެންޓު ނިންމާފައިވަނީ 00:29.67 އިންނެވެ. މިއީ މިމުބާރާތުގައި ތަޒްކިޔާ ހޯދި 2 ވަނަ މެޑަލް އެވެ. ފުރަތަމަ ހޯދާފައިވަނީ 100 މީޓަރ ފްރީސްޓައިލް އިވެންޓުން ބްރައުންޒް މެޑަލްއެކެވެ. ހަމަ މި މުބާރާތުގައި 4 ގުނަ 100 މީޓަރ މެޑްލޭ ރިލޭ އިވެންޓުން ލޯމެޑަލް ހޯދި ޓީމުގައިވެސް ތަޒްކިޔާ ހިމެނެއެވެ.

our sponsors and partners

thazkiyah (📷 niya)

ސްރީލަންކާގައި ކުރިއަށްދާ، އެޤައުމުގެ ނެޝަނަލް އެންޑް ޖޫނިއަރ ނެޝަނަލް ލޯންގކޯސް ސްވިމިންގ ޗެމްޕިއަންޝިޕްސް ގެ ޖޫނިއަރ ކެޓަގަރީގެ 100 މީޓަރ ފްރީސްޓައިލް އިވެންޓުގެ ބްރޯންޒް މެޑަލް އަމްނާ ތަޒްކިޔާ މިރުޞާދު ހޯދައިފިއެވެ.

މި މުބާރާތުގައި ދިވެހި ފެތުންތެރިން ވަނީ މިހާތަނަށް 2 ބްރޯންޒް މެޑަލް ހޯދާފައެވެ.

ފައިނަލްގައި ތަޒްކިޔާ 100 މީޓަރ ފްރީސްޓައިލް އިވެންޓު 01:05.03 އިން ނިންމައި، ތަޒްކިޔާ ވަނީ، ޤައުމީ ރެކޯރޑްވެސް އާކޮށްފައެވެ. މި މުބާރާތުގައި 4 ގުނަ 100 މީޓަރ މެޑްލޭ ރިލޭ އިވެންޓުން ލޯމެޑަލް ހޯދި ޓީމުގައިވެސް ތަޒްކިޔާ ހިމެނެއެވެ.

our sponsors and partners

maldivian team (📷 niya)

ސްރީލަންކާގައި ކުރިއަށްދާ އެގައުމުގެ ނެޝަނަލް އެންޑް ޖޫނިއަރ ނެޝަނަލް ލޯންގކޯސް ސްވިމިންގ ޗެމްޕިއަންޝިޕްސް ގައި، ސްވިމިންގ އެސޯސިއޭޝަން އޮފް މޯލްޑިވްސްގެ ފަރާތުން ވާދަކުރި ޖޫނިއަރ އަންހެޓީމުން ލޯމެޑަލް ހޯދައިފިއެވެ. ޖޫނިއަރ ނެޝަނަލް ކެޓަގަރީގެ 4 ގުނަ 100 މީޓަރު މެޑްލޭ ރިލޭ އިވެންޓުގެ ލޯމެޑަލް ހޯދައިދިން ދިވެހި ޓީމުގައި ހިމެނެނީ އަމްނާ ތަޒްކިޔާ މިރުޞާދު، ޒޯހާ އަޒްލީ ނަސީމް، މަލައިކާ ލިންޑާ އިމްރާން އަދި ޒާހާ ޒައިދުލް ޚަލީލެވެ. މި އިވެންޓު ފެތުންތެރިން ނިންމާފައިވަނި 05:38.03 އިންނެވެ.

our sponsors and partners

ޝްރީލަންކާގެ ކެންޑީގައި ކުރިޔަށްދިޔަ އެ ޤައުމުގެ ނެޝަނަލް އަދި ނެޝަނަލް ޖޫނިއަރ ފެތުމުގެ މުބާރާތުގައި ބައިވެރިވި ދިވެހި ފެތުމުގެ ޓީމު ޖުމުލަ ފަނަރަ މެޑަލް އާއެކު ބޮޑު ކާމިޔާބީއެއް ހޯދައިފިއެވެ.

މިމަހުގެ 26 ން 30 އަށް ޝްރިލަންކާގެ ކެންޑީގެ ފިނި މާޙައުލުގައި ގަދަ ވިއްސާރައިގެތެރޭގައި ކުރިޔަށްދިޔަ މިމުބާރާތުގައި ދިވެހި ފެތުންތެރިން ވަނީ 1 ރަން މެޑަލް އާއި 6 ރިހި މެޑަލް އަދި 8 ލޯ މެޑަލް ހޯދާފައެވެ. މިގޮތުން ރަން މެޑަލް ހޯދާފައިވަނީ 100 މީޓަރު ބަޓަފްލައި ގައި ވާދަކޮށް މެރާލް އައިން ލަޠީފު އެވެ. ރަން މެޑަލްގެ އިތުރުން މެރާލް ވަނީ 50 މީޓަރު ބަޓަފްލައި ރޭހުން ރިހި މެޑަލް އަދި 100 މީޓަރު ފްރީސްޓައިލް ރޭހުން ލޯ މެޑަލް ހޯދާފައެވެ.

ވަކިވަކި ފެތުންތެރިން ހޯދި ކާމީޔާބީތަކަށް ބަލާއިރު ޖުނިއަރ ފިރިހެން ފެތުންތެރިޔާ ލޫޠު މުހައްމަދު ޙުސައިން 200 މީޑަރު ބްރެސްޓް ސްޓްރޯކު ރޭހުން 3 ވަނަ ހޯދައި ލޯމެޑެލް ހޯދިއެވެ. އަދި ސީނިއަރ ފެތުންތެރިޔާ މުޙައްމަދު ރިހާން ޝިހާމް ވަނީ ލަންކާގެ އެންމެ މޮޅެތި ފެތުންތެރިންނާ ވާދަކޮށް 400 މީޓަރު އިންޑިވިޖުއަލް މެޑްލީން 3 ވަނަ ހޯދައި ލޯ މެޑެލް ހޯދާފައެވެ. މިމުބާރާތުގެ އެންމެ ވާދަވެރި އަދި އެންމެ ކާމިޔާބު އެއް މެޑަލް އެއްގެ ގޮތުގައި ދިވެހި ފެތުންތެރިންނަށް ހޯދުނު އެއް މެޑައްޔަކީ މުބާރާތުގެ 3 ވަނަ ދުވަހު ރާއްޖޭގެ ޝޯޓް ޑިސްޓެންސް އެންމެ ކުޅަދާނަ ފިރިހެން ފެތުންތެރިޔާ މުޙައްމަދު އާން ޙުސައިން 50 މީޓަރު ބަޓަފްލައި އިން ހޯދި ލޯ މެޑައްޔެވެ. 50 މީޓަރު ބަޓަފްލައި އިން އާން 3 ވަނަ ހޯދީ އިވެންޓުގައި ވާދަކުރި 37 ފެތުންތެރިންނާ ވާދަކޮށްގެންނެވެ. މި އިވެންޓުގައި ޖުމުލަ 6 ހީޓް އޮތެވެ. އާން ބަޓަފްލައި ރޭސް ނިންމާފައިވަނީ 00:27.06 ސިކުންތުންނެވެ. މި އިވެންޓުގައި ލަންކާގެ އެންމެ މޮޅެތި ބަޓަފްލައި ޖަހާ ފެތުންތެރިން ވާދަކުރިއެވެ. ލަންކާގެ ފެތުންތެރިންނަކީ ސައުތުއޭޝިޔާ ސަރަޙައްދުގެވެސް އެންމެ މޮޅެތި ފެތުންތެރިންގެ ގޮތުގައި މަޝްހޫރު ފެތުންތެރިންނެވެ.

ޝްރީލަންކާގެ ކެންޑީ ހިލްވުޑް ކޮލެޖް ސްވިމިންގ ޕޫލުގައި ކުރިޔަށް ދިޔަ މިމުބާރާތުގައި ރައްޖޭގެ ރިލޭ ޓީމުތައް ވަނީ ޝްރީލަންކާގެ މޮޅެތި ފެތުންތެރިން ހިމެނޭ ޓީމުތަކާ ވާދަކޮށް އަޖައިބުކުރުވަނިވި ނަތީޖާތައް ހޯދާފައެވެ. މިގޮތުން މުބާރާތުގެ ފުރަތަމަ ދުވަހު ޖޫނިއަރ ފިރިހެން ޓީމު 4 ގުނަ 100 މީޓަރު މެޑްލީ ރިލޭ އިން 04:41.82 އިން ރޭސް ނިންމައި ރިހި މެޑަލް ހޯދިއިރު ހަމައެދުވަހު ލަންކާގެ ޓީމުތައް ފަހަތަށް ޖައްސާލައި ރާއްޖޭގެ ސީނިރަ ފިރިހެން ޓީމު ވަނީ 4 ގުނަ ސަތޭކަ މީޓަރު މެޑްލީ ރިލޭ އިން 04:10.93 އިން ރޭސް ނިންމައި ލޯމެޑަލް ހޯދާފައެވެ.

މުބާރާތުގެ 2 ވަނަ ދުވަހު ރާއްޖޭގެ ޖޫނިއަރ ފިރިހެން ޓީމު 4 ގުނަ 100 މީޓަރު ފްރީސްޓައިލް ރިލޭ ގައި ވާދަކޮށް 04:14.71 އިން ރޭސް ނިންމައި ރިހި މެޑަލި ހޯދުމުގެ އިތުރުން ސީނިއަރ ފިރިހެން ޓީމު ވަނީ 4 ގުނަ 50 މީޓަރު ފްރީސްޓައިލް ރިލޭ ރޭސް 01:41.30 އިން ރޭސް ނިންމައި ލޯ މެޑަލް ހޯދާފައެވެ. މިއީ 2 ވަނަ އަށް ދިޔަ ޓީމަށްވުރެ 29 ސްޕްލިޓް ސިކުންތުގެ ތަފާތު ނަތީޖާއެކެވެ. އަދި މުބާރާތުގެ 3 ވަނަދުވަހު ދިވެހި ސީނިއަރ ފިރިހެން ޓީމު ވަނީ 4 ގުނަ 200 މީޓަރު ފްރީސްޓައިލް ރިލޭގައި ވާދަކޮށް 08:25.80 ން 3 ވަނަ އަށް ރޭސް ނިންމައި ލޯ މެޑަލް ހޯދާފައެވެ. މިއީ ރޭހުން 2 ވަނަ ހޯދި ޓީމަށްވުރެ 28 ސްޕްލިޓް ސިކުންތުގެ ތަފާތު ވަގުތެކެވެ.

މުބާރާތުގެ 4 ވަނަ ދުވަހު ރާއްޖޭގެ ޖޫނިއަރ ފިރިހެން ޓީމު 4 ގުނަ 50 މީޓަރު މެޑްލީ ރިލޭ ގައި ވާދަކޮށް 02:06.11 އިން ރޭސް ނިންމައި ރިހި މެޑަލި ހޯދުމުގެ އިތުރުން ސީނިއަރ ފިރިހެން ޓީމު ވަނީ 4 ގުނަ 50 މީޓަރު މެޑްލީ ރިލޭ ރޭސް 01:52.79 އިން 2 ވަނައަށް ރޭސް ނިންމައި ރިހި މެޑަލް ހޯދާފައެވެ. މިއީ 2 ވަނަ އަށް ދިޔަ ޓީމަށްވުރެ 07 ސިކުންތުގެ ތަފާތު ނަތީޖާއެކެވެ. އަދި މިއީ ޝްރީލަންކާގެ އެންމެ މޮޅެތި ފެތުންތެރިން ހިމެނޭ ޓީމުތަކަށް ހައިރާންކަން ގެނުވައިދިން ނަތީޖާއެކެވެ. ތާރީޚީ މި ނަތީޖާއާއެކު ދިވެހި ފިރިހެން ފެތުންތެރިން ވަނީ ދިވެހި ފެތުންތެރިން ކުރިއަރަމުން އަންނަ ހަލިވި މިން ސާބިތު ކޮށްދީފައެވެ.

މުބާރާތުގެ އެންމެ ފަހު ދުވަހަކީ އިއްޔެ އެވެ. އިއްޔެ ރާއްޖޭގެ ޖުނިއަރ އަންހެން ޓީމު ވަނީ 4 ގުނަ 50 މީޓަރު ފްރީސްޓައިލް ރިލޭ 02:08.75 ން 2 ވަނައަށް ރޭސް ނިންމައި ރިހި މެޑަލް ހޯދާފައެވެ. މިއީ 1 ވަނަ އަށް ރޭސް ނިންމި ޓީމަށްވުރެ 2 ސިކުންތު ތަފާތު ވަގުތެކެވެ. މިއާއެކު ރާއްޖޭގެ ސީނިއަރ ފިރިހެން ޓީމު 4 ގުނަ 100 މީޓަރު ފްރީސްޓައިލް ރިލޭ 03:43.32 ން 3 ވަނައަށް ރޭސް ނިންމައި ލޯ މެޑަލި ހޯދީ ހިލްވުޑް ކޮލެޖް ސްވިމިންގ ކޮމްޕްލެކްސްގައި ތިބި އެތައްބަޔަކު ހައިރާންކޮށްލާފަދަ ގޮތަކަށް ފަހަތުން އަރައި ކަމިޔާބު ހޯދައިގެންނެވެ. އަދި ސީނިއަރ ފިރިހެން ޓީމުވަނީ މުބާރާތުގައި ވާދަކުރި 2 ވަނަ ޓީމުގެ ގޮތުގައި ހޮވިގެން ގޮސްފައެވެ. މިއީ މިހާތަނަށް ދިވެހި ފެތުންތެރިން ހޯދި އެންމެ ބޮޑު ކާމިޔާބީއެވެ.

މިމަހު 26 ން 30 އަށް ކުރިޔަށްދާ މިމުބާރާރުގައި ރާއްޖޭގެ ފެތުންތެރިން ވާދަކުރަނީ ޖޫނިއަރ ނެޝަނަލް ފިރިހެން އަދި ނެޝަނަލް އަންހެން ފިރިހެން ބައިގައެވެ. މި 4 ބައިގައި އެކު ޖުމުލަ ދިވެހި 25 ފެތުންތެރިން މިމުބާރާތުގައި ވާދަކުރެއެވެ. މިމުބާރާތް ކުރިޔަށްދާ ކެންޑީއަށް މިދުވަސްކޮޅު މޫސުން ގޯސްވެފައިވާތީ މުބާރާތުގެ އިވެންޓުތައް ކުރިޔަށްދިޔައީ ގަދަ ވާރޭއާއި ގަދަ ފިނީގައި އޯޕަން އެއަރ ޕޫލެއްގައެވެ.

މިމުބާރާތުގައި ރާއްޖެ ހިމެނޭހެން ލަންކާގެ އެކި ކުލަބުތަކާ ކޮލެޖްތަކުން ޖުމުލަ 49 ޓީމު ބައިވެރިވެއެވެ.

our sponsors and partners

ޝްރީލަންކާގެ ކެންޑީގައި މިހާރު ކުރިޔަށްދާ އެ ޤައުމުގެ ނެޝަނަލް އަދި ނެޝަނަލް ޖޫނިއަރ ޝޯޓްކޯސް މުބާރާތުގެ ދެވަނަ ދުވަހު، ރާއްޖޭގެ ކުރިއަރަމުން އަންނަ ފެތުންތެރިޔާ ލޫޠު މުޙައްމަދު ހުސައިން ދުއިސައްތަ މީޓަރު ބްރެސްޓް ސްޓްރޯކް ރޭހުން ލޯ މެޑަލް ހޯދައިފިއެވެ.

ޝްރީލަންކާގެ ކެންޑީ ހިލްވުޑް ކޮލެޖް ސްވިމިންގ ޕޫލުގައި އިއްޔެ ކުރިޔަށް ދިޔަ 400 މީޓަރު މެޑްލީ ރޭހުން މުހައްމަދު ރިހާން ޝިހާމް ލޯ މެޑަލް ހޯދީ ރޭހުގައި ވާދަކުރި 8 ފެތުންތެރިންނާ ވާދަކޮށް 05:03.53 ން ރޭސް ނިންމައިގެންނެވެ. މިއީ ރޭހުގެ 2 ވަނަ ހޯދި ލަންކާގެ ފެތުންތެރިޔާ އަށްވުރެ 00:00.23 ސްޕްލިޓް ސެކަންޑް ތަފާތު ވަގުތެކެވެ.

މިމަހު 26 ން 30 އަށް ކުރިޔަށްދާ މިމުބާރާރުގައި ރާއްޖޭގެ ފެތުންތެރިން ވާދަކުރަނީ ޖޫނިއަރ ނެޝަނަލް ފިރިހެން އަދި ނެޝަނަލް އަންހެން ފިރިހެން ބައިގައެވެ. މި 4 ބައިގައި އެކު ޖުމުލަ ދިވެހި 25 ފެތުންތެރިން މިމުބާރާތުގައި ވާދަކުރެއެވެ.

މިމުބާރާތުގައި މުޙައްމަދު ރިހާން ޝިހާމް ހޯދި މިމެޑައްޔަކީ ރާއްޖޭން ބޭރުގައި ފެތުމުގެ މުބާރާތްތަކުން ރިހާން ވާދަކޮށް ހޯދި ފުރަތަމަ މެޑައްޔެވެ.

މިމުބާރާތުގައި ރާއްޖެ ހިމެނޭހެން ލަންކާގެ އެކި ކުލަބުތަކާ ކޮލެޖްތަކުން ޖުމުލަ 49 ޓީމު ބައިވެރިވެއެވެ.

our sponsors and partners

ޝްރީލަންކާގެ ކެންޑީގައި މިހާރު ކުރިޔަށްދާ އެ ޤައުމުގެ ނެޝަނަލް އަދި ނެޝަނަލް ޖޫނިއަރ ޝޯޓްކޯސް މުބާރާތުގައި އިއްޔެ ރާއްޖޭގެ ފިރިހެން ޖޫނިއަރ ޓީމު ސަތޭކަ މީޓަރު ފްރީސްޓައިލް ރިލޭ ރޭހުން ރިހި މެޑަލް އަދި ސީނިއަރ ފިރިހެން ޓީމު 50 މީޓަރު ފްރީސްޓައިލް ރިލޭ ރޭހުން ލޯ މެޑަލް ހޯދައިފިއެވެ.

ޝްރީލަންކާގެ ކެންޑީ ހިލްވުޑް ކޮލެޖް ސްވިމިންގ ޕޫލުގައި މިއަދު ކުރިޔަށްދާ މިމުބާރާތުގެ އިއްޔެގެ އިވެންޓް ތަކުގައި ދިވެހި ފެތުންތެރިންގެތެރެއިން ޖޫއަރ ފިރިހެން ޓީމު ސަތޭކަ މީޓަރު ފްރީސްޓައިލް ރިލޭ އިން ރިހި މެޑަލް ހޯދީ ލަންކާގެ ކޮލެޖްތަކާ އެކިއެކި ކުލަބުތައް ހިމެނޭގޮތުން 10 ޓީމަކާ ވާދަކޮށް ހީޓްޖަހައި ފައިނަލްގައި ވާދަކޮށް 04:14.71 ން ރޭސް ނިންމައިގެންނެވެ. އަދި ސީނިއަރ ފިހެން ޓީމު ލޯ މެޑަލް ހޯދީ ލަންކާގެ އެންމެ ވަރުގަދަ މޮޅެތި ފެތުންތެރިން ހިމެނޭހެން އެކިއެކި ކުލަބުތަކާ ކޮލެޖްތަކުން 15 ޓީމަކާ ވާދަކޮށް ހީޓްޖަހައި ފައިނަލްގައި ވާދަކޮށް 01:14.41 ން ރޭސް ނިންމައިގެންނެވެ. މިއީ ރޭހުން 2 ވަނަ ހޯދި ޓީމަށްވުރެ 00:00.52 މިލިސިކުންތުގެ ތަފާތު ވަގުތެކެވެ.

ޖޫނިއަރ ފިރިހެން 100 މީޓަރު ފްރީސްޓައިލް ރިލޭ ރޭހުން ރިހި މެޑަލް ހޯދި ޓީމުގައި ހިމެނެނީ ޔާސީން މުޙައްމަދު ޔޫސުފް އާއި، ޝައިމް ޙުސައިން އިބްރާހީމް އާއި ލޫޠު މުޙައްމަދު ޙުސައިންގެ އިތުރުން އިސްމާޢީލް އަޖުމަލް މޫސާ އެވެ. އަދި ސީނިއަރ ފިރިހެން 50 މީޓަރު ފްރީސްޓައިލް ރިލޭ އިން ލޯ މެޑެލް ހޯދި ޓީމުގައި ހިމެނެނީ މުޙައްމަދު އާން ޙުސައިން އާއި ޢަލީ އިއްމާން އާއި މުޙައްމަދު ރިހާން ޝިހާމުގެ އިތުރުން ޙުސައިން ހާއިޝް މުޙައްމަދު އެވެ.

މިމަހު 26 ން 30 އަށް ކުރިޔަށްދާ މިމުބާރާރުގައި ރާއްޖޭގެ ފެތުންތެރިން ވާދަކުރަނީ ޖޫނިއަރ ނެޝަނަލް ފިރިހެން އަދި ނެޝަނަލް އަންހެން ފިރިހެން ބައިގައެވެ. މި 4 ބައިގައި އެކު ޖުމުލަ ދިވެހި 25 ފެތުންތެރިން މިމުބާރާތުގައި ވާދަކުރެއެވެ.

މިމުބާރާތުގައި ރާއްޖެ ހިމެނޭހެން ލަންކާގެ އެކި ކުލަބުތަކާ ކޮލެޖްތަކުން ޖުމުލަ 49 ޓީމު ބައިވެރިވެއެވެ.

our sponsors and partners

ޝްރީލަންކާގެ ކެންޑީގައި މިހާރު ކުރިޔަށްދާ އެ ޤައުމުގެ ނެޝަނަލް އަދި ނެޝަނަލް ޖޫނިއަރ ޝޯޓްކޯސް މުބާރާތުގެ ދެވަނަ ދުވަހު، ރާއްޖޭގެ ކުރިއަރަމުން އަންނަ ފެތުންތެރިޔާ ލޫޠު މުޙައްމަދު ހުސައިން ދުއިސައްތަ މީޓަރު ބްރެސްޓް ސްޓްރޯކް ރޭހުން ލޯ މެޑަލް ހޯދައިފިއެވެ.

ޝްރީލަންކާގެ ކެންޑީ ހިލްވުޑް ކޮލެޖް ސްވިމިންގ ޕޫލުގައި އިއްޔެ ކުރިޔަށް ދިޔަ 200 މީޓަރު ބްރެސްޓްސްޓްރޯކް ރޭހުން ލޫޠު މެޑަލް ހޯދީ ރޭހުގައި ވާދަކުރި 9 ފެތުންތެރިންނާ ވާދަކޮށް ހީޓްޖައި ފައިނަލްގައި 02:50.43 ން ރޭސް ނިންމައިގެންނެވެ.

މިމަހު 26 ން 30 އަށް ކުރިޔަށްދާ މިމުބާރާރުގައި ރާއްޖޭގެ ފެތުންތެރިން ވާދަކުރަނީ ޖޫނިއަރ ނެޝަނަލް ފިރިހެން އަދި ނެޝަނަލް އަންހެން ފިރިހެން ބައިގައެވެ. މި 4 ބައިގައި އެކު ޖުމުލަ ދިވެހި 25 ފެތުންތެރިން މިމުބާރާތުގައި ވާދަކުރެއެވެ.

މިމުބާރާތުގައި ލޫޠު މުޙައްމަދު ޙުސައިން ހޯދި މިމެޑައްޔަކީ ރާއްޖޭން ބޭރުގައި ފެތުމުގެ މުބާރާތްތަކުން ލޫޠު ވާދަކޮށް ހޯދި ފުރަތަމަ މެޑައްޔެވެ.

މިމުބާރާތުގައި ރާއްޖެ ހިމެނޭހެން ލަންކާގެ އެކި ކުލަބުތަކާ ކޮލެޖްތަކުން ޖުމުލަ 49 ޓީމު ބައިވެރިވެއެވެ.

our sponsors and partners

ސްރީލަންކާގެ ކެންޑީގައި މިހާރު ކުރިޔަށްދާ އެ ޤައުމުގެ ނެޝަނަލް އަދި ނެޝަނަލް ޖޫނިއަރ ޝޯޓްކޯސް މުބާރާތުގައި މިއަދު ރާއްޖޭގެ ކުރިއަރަމުން އަންނަ ފުރާވަރުގެ ފެތުންތެރިޔާ މެރާލް އައިން ލަޠީފު ރަން މެޑަލް ހޯދައިފިއެވެ.

ޝްރީލަންކާގެ ކެންޑީ ހިލްވުޑް ކޮލެޖް ސްވިމިންގ ޕޫލުގައި މިއަދު ކުރިޔަށް ދިޔަ މެރާލް ފަޚުރުވެރި ރަމް މެޑަލް ހޯދީ މެންދުރުކުރީ ދަންފަޅީގައި 100 މީޓަރު ބަޓަފްލައި ރޭހުގައި ވާދަކުރި 14 ފެތުންތެރިންގެ ހީޓުޖަހައި ފައިނަލް ގައި 8 ފެތުންތެރިންނާ ވާދަކޮށް ބޮޑު ތަފާތަކުން 1 ވަނަ ހޯދައިގެންނެވެ. މެރާލް ރޭސް ނިންމާފައިވަނީ 01:13.19  އިންނެވެ. މިއީ 2 ވަނައަށް ރޭސްނިންމި ފެތުންތެރިޔާ އަށްވުރެ 1 ސިކުންތުގެ ތަފާތު ވަގުތެކެވެ.

މިމަހު 26 ން 30 އަށް ކުރިޔަށްދާ މިމުބާރާރުގައި ރާއްޖޭގެ ފެތުންތެރިން ވާދަކުރަނީ ޖޫނިއަރ ނެޝަނަލް ފިރިހެން އަދި ނެޝަނަލް އަންހެން ފިރިހެން ބައިގައެވެ. މި 4 ބައިގައި އެކު ޖުމުލަ ދިވެހި 25 ފެތުންތެރިން މިމުބާރާތުގައި ވާދަކުރެއެވެ.

މިމުބާރާތުގައި މެރާލް މިކާމިޔާބީއާއެކު މުބާރާތުގައި ލަންކާގެ ކޮލެޖްތަކުން އަދި ޓީމުތަކުން ވަނީ ދިވެހި ފެތުންތެރިން މުބާރާތުގައި ހޯދަމުންދާ ކާމިޔާބީ ފާހަގަކޮށްފައެވެ. މެރާލް އަކީ ރާއްޖޭގައި ކުރިއަރަމުން އަންނަ އަދި ޢުމުރުން 14 އަހަރުގެ ފެތުންތެރިއެކެވެ. މިމުބާރާތުގައި ރިލޭ ނުހިމަނައި އިންޑިވިޖުއަލް 5 އިވެންޓުގައި މެރާލް ވާދަކުރާނެއެވެ.

މިމުބާރާތުގައި ރާއްޖެ ހިމެނޭހެން ލަންކާގެ އެކި ކުލަބުތަކާ ކޮލެޖްތަކުން ޖުމުލަ 49 ޓީމު ބައިވެރިވެއެވެ.

our sponsors and partners