Swimming Association of MAldives

މޯލްޑިވްސް އެކުއަޓިކްސް އިން އިންތިޒާމް ކޮށް އައްޑޫ ސިޓީ ކައުންސިލާ ގުޅިގެން ބާއްވާ އައްޑޫ ޒޯން 9 ވަނަ ރާއްޖެ ޖޫނިއަރ ސްވިމިންގ ޗެމްޕިއަންޝިޕް 2026 އައްޑޫ ސިޓީ ހިތަދޫގައި ފަށައިފިއެވެ. މި މުބާރާތުގެ ފެށުމުގެ ރަސްމިއްޔާތު ޝަރަފުވެރިކޮށްދެއްވީ އައްޑޫ ސިޓީގެ މޭޔަރ އަލްފާޟިލް އަލީ ނިޒާރެވެ.

މި މުބާރާތުގެ އިވެންޓުތައް އޮގަސްޓު މަހުގެ 15 ވަނަ ދުވަހުން ފެށިގެން 20 ވަނަ ދުވަހާ ހަމައަށް ކޮންމެ ދުވަހެއްގެ ހެނދުނު 7:30 އިން 10:00 އަށް އަދި ހަވީރު 4:00 އިން 6:00 ކުރިއަށް ދާނެއެވެ.

މި އަހަރުގެ މުބާރާތުގައި ޖުމްލަ 7 ސްކޫލަކުން 135 ފެތުންތެރިން ވާދަކުރުމަށް ވަނީ ހަމަޖެހިފައެވެ. މުބާރާތުގައި ބައިވެރިވި ސްކޫލްތަކުގެ ތެރޭގައި އައްޑޫ ހައި ސްކޫލް، ފޭދޫ ސްކޫލް، ގދ އަތޮޅު ތައުލީމީ މަރުކަޒު، ހިތަދޫ ސްކޫލް، މަރަދޫ ސްކޫލް، ސ އަތޮޅު މަދަރުސާ އަދި ޝަރަފުއްދީން ސްކޫލް ހިމެނެއެވެ.

މި މުބާރާތަކީ އައްޑޫ ސިޓީ ކައުންސިލްގެ ވަރަށް ފުރިހަމަ އެއްބާރުލުމާއި އެކު ބޭއްވިގެންދާ މުބާރާތެކެވެ. އަދި މީގެ އިތުރުން ސްޕޯޓްސް މިނިސްޓްރީއާއި މޯލްޑިވްސް ރެޑް ކްރެސެންޓުގެ އެއްބާރުލުން ފާހަގަ ކޮށްލެވެއެވެ. މި މުބާރާތުގެ ޑްރިންކްސް ޕާޓްނަރަކީ ބޮން އަކުއާ މޯލްޑިވްސް އެވެ.

our sponsors and partners

Swimming Association of MAldives

މޯލްޑިވްސް އަކުއަޓިކްސް އިން އިންތިޒާމް ކޮށް އައްޑޫ ސިޓީ ކައުންސިލާ ގުޅިގެން ބޭއްވި އަތޮޅު ދިގުފެތުން، އައްޑޫ ޒޯން 2026 ކާމިޔާބު ކަމާއެކު ނިންމާލައިފިއެވެ. 14 އޮގަސްޓް 2026 ވީ ހުކުރު ދުވަހު އައްޑޫ ސިޓީ ހިތަދޫގައި ބޭއްވި މި މުބާރާތުގައި 3 ކިލޯމީޓަރާއި، 1 ކިލޯމީޓަރު އަދި 500 މީޓަރުގެ އިވެންޓުތައް ކުރިޔަށް ގެންގޮސްފައި ވެއެވެ.

މި މުބާރާތުގެ 3 ކިލޯމީޓރު ރޭހުގެ އެންމެ މޮޅު ފިރިހެން ފެތުންތެރިއަކީ އިބްރާހިމް ޔުއާން ޝަމީމެވެ. އަދި އެންމެ މޮޅު އަންހެން ފެތުން ތެރިޔަކީ އައިމިނަތު ޒީވާ އާމިރެވެ. ދެވަނަޔަށް އެންމެ މޮޅު ފިރިހެން ފެތުންތެރިއަކަށް ހޮވިފައިވަނީ ޔޫސްފް ޒިޔާން ޒާހިދެވެ. ދެވަނަޔަށް އެންމެ މޮޅު އަންހެން ފެތުންތެރިއަކަށް ހޮވިފައިވަނީ ފާތިމަތު ލައިލީ ބިންތި ހުސައިން އެވެ. ތިންވަނައަށް އެންމެ މޮޅު ފިރިހެން ފެތުންތެރިއަކަށް ހޮވިފައިވަނީ މުހައްމަދު އައިހަމް އަބްދުއް ޝަކޫރެވެ.

1 ކިލޯމީޓަރު ރޭހުގެ އެންމެ މޮޅު ފިރިހެން ފެތުންތެރިއަކަށް އައިކް ބިން ފައިސަލް ހޮވިފައިވާއިރއެންމެ މޮޅު އަންހެން ފެތުންތެރިއަކަށް ހޮވިފައިވަނީ އައިޝަތު މިޝްކާ ތަސްލީމެވެ. މި އިވެންޓުގެ ދެވަނައަށް އެންމެ މޮޅު ފިރިހެން ފެތުންތެރިއަކަށް ޔޫސުފް އައިކް އާމިރު ހޮވިފައިވާއިރު އަންހެން ފެތުންތެރިއަކަށް ހޮވިފައިވަނީ އާނާ އަހްމަދު ޝިފާއު އެވެ. ތިންވަނައަށް އެންމެ މޮޅު ފިރިހެން ފެތުންތެރިއަކަށް މޫސާ މިކްޔަލް ޝަހުބާޒް ހޮވިފައިވާއިރު ތިންވަނައަށް އެންމެ މޮޅު އަންހެން ފެތުންތެރިއަކަށް ހޮވިފައިވަނީ އައިމިނަތު އަލްބާ ޝާނީޒެވެ.

މީގެ އިތުރުން ދެން ކުރިޔަށް ގެންގޮސްފައި ވަނީ ވަރަށް ފޯރިގަދަ 500 ގުނަ 4 ގެ ރިލޭ ރޭހެކެވެ. މި ރިލޭގައި ޖުމްލަ 9 ޓީމެއް ވާދަކުރިއެވެ. މި އިވެންޓުގެ އެންމެ މޮޅު ޓީމަކަށް ހޮވިފައިވަނީ ޓީމް 4 އެވެ. މި ޓީމުގައި ހިމެނޭ ފެތުންތެރިންނަކީ އިބްރާހިމް ޔުއާން ޝަމީމް، އައިޝަތު މިޝްކާ ތަސްލީމް، އައިޝަތު އައިޝްކާ ސަމީރު އަދި ޔޫސުފް ޒިޔާން ޒާހިދެވެ. މި އިވެންޓުގެ 2 ވަނައަށް ހޮވިފައިވަނީ ޓީމް 7 އެވެ. މި ޓީމުގަިއ ހިމެނޭ ފެތުންތެރިންނަކީ މުހައްމަދު އައިހަމް އަބްދުއް ޝަކޫރު، އައިޝަތު މަލާކް މުހައްމަދު މައުޖޫދު، އައިރާ ބިންތި ހުސެން އާސިމް އަދި އައިކް ބިން ފައިސަލް އެވެ. ރިލޭ އިވެންޓުން ތިންވަނައަށް ހޮވިފައިވަނީ ޓީމް 5 އެވެ. މި ޓީމުގައި ހިމެނޭ ފެތުންތެރިންނަކީ އަބްދުﷲ ޒައިން ޖިހާދު، ޚަދީޖާ އާން ނަސީހް، އައިމިނަތު ޒީވާ އާމިރު އަދި އަހްމަދު އަތޫފް އަލީ އެވެ.

our sponsors and partners

Amna Thazkiyah Mirsaad

އަންހެނުންގެ ލޯންގްކޯސް 100 މީޓަރ ބެކްސްޓްރޯކް އިވެންޓުގެ ޤައުމީ ރެކޯރޑް އަމްނާ ތަޒްކިޔާ މިރުޞާދު އާކޮށްފިއެވެ. ސްކޮޓްލަންޑްގެ ގްލާސްގޯގައި މިހާރު ކުރިޔަށްދާ 23 ވަނަ ކޮމަންވެލްތް ގޭމްސްގައި ތަޒްކިޔާ މިރެކޯރޑް އާކޮށްފައިވަނީ ހަތަރެއް ގުނަ ސަތޭކަ މީޓަރު މިކްސްޑް މިޑްލޭ ރިލޭ އިވެންޓުގެ ފުރަތަމަ 100 މީޓަރު 01:11.26 އިން ނިންމައިގެންނެވެ.

މިއިވެންޓުގެ ޤަައުމީ ރެކޯޑު އެންމެފަހުންވެސް އާކޮށްފައިވަނީ ތަޒްކިޔާއެވެ. އެއީ 2025 ވަނަ އަހަރު ސިންގަޕޫރުގައި ކުރިޔަށްދިޔަ 22 ވަނަ ވޯލްޑް އެކުއަޓިކްސް ޗެމްޕިއަންޝިޕްސް ގައި 01:13.49 އިން އިވެންޓު ފުރިހަމަކޮށްގެންނެވެ.

our sponsors and partners

team maldives

ލޯންގކޯސް ހަތަރެއް ގުނަ ސަތޭކަ މީޓަރު މިކްސްޑް މެޑްލޭ ރިލޭ އިވެންޓުގެ ޤައުމީ ރެކޯރޑް އާކޮށްފިއެވެ. ސްކޮޓްލަންޑްގެ ގްލާސްގޯގައި މިހާރު ކުރިޔަށްދާ 23 ވަނަ ކޮމަންވެލްތް ގޭމްސްގައި ދިވެހި ޓީމު މިރެކޯރޑް އާކޮށްފައިވަނީ 04:31.16 އިން ރޭސް ނިންމައިގެންނެވެ. މިރޭހުގައި ވާދަކުރި ދިވެހި ޓީމުގައި ހިމެނެނީ، އަމްނާ ތަޒްކިޔާ މިރުޞާދު, ލޫޠު މުޙައްމަދު ހުސައިން, މުޙައްމަދު ރިޙާން ޝިހާމް އަދި މިރާލް ޢައިން ލަތީފް އެވެ.

މި އިވެންޓުގެ ޤައުމީ ރެކޯޑު އެންމެފަހުން އާކޮށްފައިވަނީ ސިންގަޕޫރުގައި ކުރިޔަށްދިޔަ 22 ވަނަ ވޯލްޑް އެކުއަޓިކްސް ޗެމްޕިއަންޝިޕްސްގައި 04:40.23 އިން ރޭސް ނިންމައިގެންނެވެ. އެފަހަރުގެ ދިވެހި ޓީމުގައި ހިމެނުނީ، އަމްނާ ތަޒްކިޔާ މިރުޞާދު, މުޙައްމަދު އާން ޙުސައިން, މުޙައްމަދު ރިޙާން ޝިހާމް އަދި މިރާލް ޢައިން ލަތީފް އެވެ.

our sponsors and partners

Amna Thazkiyah Mirsaad

އަންހެނުންގެ ލޯންގްކޯސް 50 މީޓަރު ފްރީސްޓައިލް އިވެންޓުގެ ޤައުމީ ރެކޯރޑް އަމްނާ ތަޒްކިޔާ މިރްޞާދު އާކޮށްފިއެވެ. ސްކޮޓްލަންޑްގެ ގްލާސްގޯގައި މިހާރު ކުރިޔަށްދާ 23 ވަނަ ކޮމަންވެލްތް ގޭމްސް ގައި ތަޒްކިޔާ މި ރެކޯޑް އާކޮށްފައިވަނީ 00:27.99 އިން އިވެންޓު ފުރިހަމަ ކޮށްގެނެވެ.

މި އިވެންޓުގެ ޤައުމީ ރެކޯޑު އެންމެ ފަހުންވެސް އާކޮށްފައިވަނީ ތަޒަކިޔާއެވެ. އެއީ، ބެންކޮކްގައި ކުރިޔަށްދިޔަ އޭޝިޔަން އޯޕަން ސްކޫލްސް އިންވިޓޭޝަނަލް އެކުއާޓިކް ޗެމްޕިއަންޝިޕް 2026 ގައި ގައި 00:28.49 އިން ރޭސް ނިންމައިގެންނެވެ.

our sponsors and partners

Mohamed Rihan Shiham

ފިރިހެނުންގެ ލޯންގްކޯސް 400 މީޓަރު އިންޑިވިޖުއަލް މެޑްލޭ އިވެންޓުގެ ޤައުމީ ރެކޯޑް މުޙައްމަދު ރިޙާން ޝިހާމް އާކޮށްފިއެވެ. މި ރެކޯރޑް ރިޙާން އާކޮށްފައިވަނީ ސްކޮޓްލަންޑްގެ ގްލާސްގޯގައި މިހާރު ކުރިޔަށްދާ 23 ވަނަ ކޮމަންވެލްތް ގޭމްސް ގައި 05.09.68 އިން އިވެންޓު ފުރިހަމަކޮށްގެންނެވެ.

މި ރެކޯރޑް އެންމެފަހުން ވެސް އާކޮށްފައިވަނީ ރިހާން އެވެ. އެއީ ބަޚްރައިންގައި ކުރިޔަށް ދިޔަ ބަޚްރައިން ކަޕް 2026 ގައި 05.11.03 އިން އިވެންޓު ފުރިހަމަކޮށްގެންނެވެ.

our sponsors and partners

Mohamed Rihan Shiham

ފިރިހެނުންގެ ލޯންގްކޯސް 200 މީޓަރ ބަޓަރފްލައި އިވެންޓުގެ ޤައުމީ ރެކޯރޑް މުޙައްމަދު ރިޙާން ޝިހާމް އާކޮށްފިއެވެ. ސްކޮޓްލަންޑްގެ ގްލާސްގޯގައި މިހާރު ކުރިއަށްދާ 23 ވަނަ ކޮމަންވެލްތް ގޭމްސްގައި ރިޙާން މިރެކޯރޑް އާކޮށްފައިވަނީ 02:23.94 އިން ރޭސް ނިންމައިގެންނެވެ.

މިއިވެންޓުގެ ޤަައުމީ ރެކޯޑު އެންމެފަހުން އާކޮށްފައިވަނީވެސް ރިޙާންއެވެ. އެއީ، 2025 ވަނަ އަހަރު ބޭއްވި 22 ވަނަ ވޯލްޑް އެކުއަޓިކްސް ޗެމްޕިއަންޝިޕްސްގައި 02:25.20 އިން އިވެންޓު ފުރިހަމަކޮށްގެންނެވެ.

our sponsors and partners

Amna Thazkiyah Mirsaad

އަންހެނުންގެ ލޯންގކޯސް 50 މީޓަރ ބެކްސްޓްރޯކް އިވެންޓުގެ ޤައުމީ ރެކޯރޑް އަމްނާ ތަޒްކިޔާ މިރުޞާދު އާކޮށްފިއެވެ. ސްކޮޓްލަންޑްގެ ގްލާސްގޯގައި މިހާރު ކުރިޔަށްދާ 23 ވަނަ ކޮމަންވެލްތް ގޭމްސްގައި ތަޒްކިޔާ މި ރެކޯޑު އާކޮށްފައިވަނީ 00:31.55 އިން އިވެންޓު ފުރިހަމަކޮށްގެންނެވެ.

މިއިވެންޓުގެ ޤައުމީ ރެކޯޑު އެންމެ ފަހުންވެސް އާކޮށްފައިވަނީ ތަޒްކިޔާ އެވެ. އެއީ މިދިޔަ އަހަރު ބަޙްރައިން ގައި ބޭއްވުނު 3 ވަނަ އޭޝިއަން ޔޫތް ގޭމަސްގައި 00:32.57 އިން ރޭސް ނިންމައިގެންނެވެ.

our sponsors and partners