logo

މޯލްޑިވްސް އެކުއަޓިކްސްގެ ހިންގާ ގަވައިދުގެ 35 ވަނަ މާއްދާގެ (ހ) ގައި ބަޔާންކޮށްފައިވާގޮތުގެމަތިން މިޖަމިއްޔާގެ އަހަރީ ޢާއްމު ޖަލްސާ 5 އޭޕުރީލު 2026 ވާ އާދީއްތަ ދުވަހު މާލޭގައި އޮންނާނެއެވެ. ވީމާ މިޖަލްސާއަށް މިޖަމިއްޔާގެ މެންބަރުންނަށް ދަޢުވަތު އަރުވައި ނޯޓިސްދީ އިޢުލާނު ކުރަމެވެ. ޖަލްސާ ބާއްވާ ތަނާ ވަގުތު ފަހުން އިޢުލާނު ކުރެވޭނެއެވެ.

މޯލްޑިވްސް އެކުއަޓިކްސްގެ ހިންގާ ގަވައިދަށް ގެނައި ބަދަލާއެކު މޯލްޑިވްސް އެކުއަޓިކްސްގެ ހިންގާ ކޮމިޓީއަށް 3 މެންބަރުން އިންތިޚާބުކުރަންޖެހޭތީ 2026 ވަނައަހަރުގެ އަހަރީ ޢާއްމު ޖަލްސާގައި އަންނަނިވި 3 މަޤާމަށް މެންބަރުން އިންތިޚާބުކުރުން އޮންނާނެ ވާހަކަވެސް އަންގަމެވެ. މިގޮތުން އިންތިޚާބުކުރަން ހަމަޖެހިފައިވާ މަގާމުތަކަކީ:

1. މޯލްޑިވްސް އެކުއަޓިކްސްގެ ހިންގާ ކޮމިޓީގައި ކުލަބު ތަމުސީލުކުރާނެ އަންހެން މެންބަރެއް.
2. މޯލްޑިވްސް އެކުއަޓިކްސްގެ ހިންގާ ކޮމިޓީ އަށް ފެތުމުގެ ކުޅިވަރުގެ އެތުލީޓުންގެ ތެރެއިން އިންތިޚާބުކުރާ, 2 ޖިންސުން 2 މެންބަރުން.

މޯލްޑިވްސް އެކުއަޓިކުސްގެ ހިންގާ ޤަވާޢިދުގެ 13 ވަނަ މާއްދާގެ (ހ)، (ށ) އަދި (ނ) ގައި ބަޔާންކޮށްފައިވާ މެންބަރުންގެތެރެއިން މިޖަލްސާގައި ބައިވެރިވުމުގެ ފުރުޞަތު ދެވޭނީ މިޖަމިއްޔާގެ ހިންގާ ޤަވާޢިދުގެ 17 ވަނަ މާއްދާގައި ބަޔާންކޮށްފައިވާ ގޮތުގެމަތިން ޖަމިއްޔާ އަށް ދައްކަންޖެހޭ އަހަރީފީ 26 މާރިޗު 2026 ވާ ބުރާސްފަތި ދުވަހު 14:00 ގެ ކުރިން ދައްކާ މެންބަރުންނަށެވެ.

މޯލްޑިވްސް އެކުއަޓިކްސްގެ އަހަރީ އާއްމު ޖަލްސާގައި ބައިވެރިވާން ރަޖިސްޓަރީ ކުރާ މެންބަރުންނަށް 2025 ވަނައަހަރުގެ އަހަރީ ރިޕޯޓް، ޖަލްސާގެ ޔައުމިއްޔާ، ބަޖެޓް ރިޕޯޓް ފަދަ ލިޔެކިޔުންތައް ޖަލްސާ ފެށުމުގެ ލަސްވެގެން 7 (ހަތެއް) ދުވަސްކުރިން ހިއްސާކުރާނެއެވެ.

މޯލްޑިވްސް އެކުއަޓިކްސްގެ ހިންގާ ގަވައިދަށް ގެނައި ބަދަލާއެކު މިޖަމިއްޔާގެ ހިންގާ ކޮމިޓީއަށް އިތުރުވާ މެންބަރުން އިންތިޚާބުކުރުންވެސް އަހަރީ ޢާއްމު ޖަލްސާގައި އޮންނާނެއެވެ.

މޯލްޑިވްސް އެކުއަޓިކްސްގެ 2026 ވަނައަހަރުގެ އަހަރީ ޢާއްމު ޖަލްސާގެ އެޖެންޑާ

1. މެންބަރުން ހާޒިރުވުން.
2. ރޯލްކޯލް އަދި ހާޒިރީ މާަކުކުރުން.
3. ކީރިތި ޤުރްއާން ކިޔެވުން.
4. 2025 ވަނައަހަރުގެ އަހަރީ ޖަލްސާގެ ޔައުމިއްޔާ، އަހަރީ ރިޕޯޓް، ފައިނޭންޝަލް ރިޕޯޓް، ހުށަހަޅައި ފާސްކުރުން.
5. 2026 ވަނައަހަރުގެ ބަޖެޓު ފާސްކޮށް ކަލަންޑަރު ހުށަހެޅުން.
6. މޯލްޑިވްސް އެކުއަޓިކްސްގެ ހިންގާ ކޮމިޓީއަށް އިންތިޚާބުކުރަންޖެހޭ މެންބަރުންގެ އިންތިޚާބު.
7. މޯލްޑިވްސް އެކުއަޓިކްސްގެ ހިންގާ ކޮމިޓީއަށް އިންތިޚާބުކުރާ މެންބަރުންގެ އިންތިޚާބުގެ ނަތީޖާ އިޢުލާނުކުރުން.
8. މެންބަރުންގެ އިތުރު ޚިޔާލު.
9. ޖަލްސާ ނިންމުން.

އަހަރީފީގެ މަޢުލޫމާތު

1. އެގްޒެކެޓިވް މެންބަރުން: 500.00
2. ހިންގާ ކޮމިޓީގެ މެންބަރުން: 300.00
3. ދާޢިމީ ކުލަބު މެންބަރުން: 1000.00
4. ދާޢިމީ ވަކިވަކި މެންބަރުން: 100.00

ނޯޓް: 28 ފެބުރުއަރީ 2026 ގެފަހުން އަހަރީ ފީބަލައިގަނެވޭނީ 100.00 ރުފިޔާގެ ޖޫރިމަނާއަކާއެކުގައެވެ. އަހަރީ ފައިސާ ދައްކާނީ ސްވިމިންގ އެސޯސިއޭޝަން އޮފް މޯލްޑިވްސްގެ 7704278341001 ނަންބަރު އެކައުންޓަށް އޮންލައިންކޮށެވެ. ފައިސާ ދެއްކުމަށްފަހު 7250707 ނަންބަރަށް ސްލިޕްކޮޅު ފޮނުވަން ވާނެއެވެ. ސްލިޕްކޮޅުގައި މެންބަރުގެ މަޢުލޫމާތު ހިމަނަން ވާނެއެވެ.

ވީމާ މޯލްޑިވްސް އެކުއަޓިކްސްގެ އަހަރީ ޢާއްމު ޖަލްސާގައި ބައިވެރިވާން ބޭނުންވާ މެންބަރުން މިނޯޓިހާ އެކުގައިވާ ލިންކުގައިވާ ފޯމު ފުރިހަމަކޮށް 26 މާރިޗް 2026 ވާ ބުރާސްފަތި ދުވަހު 14:00 ގެ ކުރިން ސަބްމިޓް ކުރެއްވުން އެދެމެވެ.

އަދި ދަންނަވަމެވެ. މޯލްޑިވްސް އެކުއަޓިކްސްގެ 2025 ވަނައަހަރުގެ އަހަރީ އާއްމު ޖަލްސާގެ ޔައުމިއްޔާ އާއި، 2025 ވަނައަހަރުގެ އަހަރީ ރިޕޯޓާއި، އަދި 2025 ވަނައަހަރުގެ ޚަރަދު ރިޕޯޓުގެ އިތުރުން 2026 ވަނައަހަރުގެ ބަޖެޓު މެންބަރުންނާ ހިއްސާކޮށް މެންބަރުން ހުށަހަޅާ ޚިޔާލު ހުށަހަޅާން ފުރުސަތުދިނުމަށް ހަމަޖެހިފައިވާތީ އަހަރީ އާއްމު ޖަލްސާގައި މިދެންނެވި ރިޕޯޓުތަކާ ލިޔެކިޔުންތަކުގެ ތަފުސީލު ހުށަނާޅައި ޚުލާސާ ހުށަހެޅުމަށްފަހު ވޯޓަށް އަހަން ހަމަޖައްސާފައިވާ ވާހަކަވެސް މެންބަރުންގެ މަޢުލޫމާތަށްޓަކައި ދަންނަވަމެވެ.

our sponsors and partners

ibbe coach

އޮލިމްޕިކް ސޮލިޑާރިޓީގެ އެހީގެ ދަށުން ޔޫ.އެސް.އޭ ގެ ޔުނިވަރސިޓީ އޮފް ޑެލެވެއަރ އިން ހިންގާ ‘އިންޓަނޭޝަނަލް ކޯޗިން އެންރިޗްމަންޓް ސެޓްފިކެޓް ޕްރޮގްރާމް 17 ވަނަ އެޑިޝަން’ ގައި ކިޔެވުމަށް ނަންހުށަހެޅުމުގެ ފުރުޞަތު މޯލްޑިވްސް އޮލިމްޕިކް ކޮމިޓީގެ ފަރާތުން ވަނީ ހުޅުވާލާފައެވެ. ވީމާ މިކޯހަށް ޝައުގުވެރިވާ މީހުން، ތިރީގައި ދީފައިވާ ސުންގަޑީގެކުރިން މިއެސޯސިއޭޝަނަށް އީމެއިލް މެދުވެރިކޮށް މިކޯހުގައި ބައިވެރިވުމަށް އެދި ހުށަހެޅުއްވުން އެދެމެވެ.

ޕްރޮގްރާމާއި ބެހޭ މަޢުލޫމާތު:

• ޕްރޮގްރާމްގެ ނަން: އިންޓަރނޭޝަނަލް ކޯޗިން އެންރިޗްމަންޓް ސެޓްފިކެޓް ޕްރޮގްރާމް
• މަޢުލޫމާތު: ޔުނިވަރސިޓީގެ ވެބްސައިޓް.
• ބްރޯޝަރ: ޑައުންލޯޑް ލިންކް
• ކިޔެވުން ފެށުމަށް ހަމަޖެހިފައިވާ ތާރީޚް: 7 އެޕްރީލް 2026
• ޝަރުތު:
  1. ޤައުމީ ސްކޮޑްތަކުގެ ފެތުންތެރިންނަށް ކޯޗުކޮށްދެމުންދާ ކޯޗެއްކަމުގައިވުން.
  2. ކޯޗިންގެ ދާއިރާގައި މެދުވެގެން 5 (ފަހެއް) އަހަރުދުވަހުގެ ތަޖުރިބާ ލިބިފައިވުން.
  3. އިނގިރޭސިބަހުން ރަނގަޅަށް ވާހަކަދައްކަން އިނގޭ މީހެއްކަމުގައިވުން.

މިކޯހަށް ހޮވޭ ކޯޗުންގެ ހުރިހާ ޚަރަދެއް ބަލަހައްޓާނީ މޯލްޑިވްސް އޮލިމްޕިކް ކޮމިޓީ މެދުވެރިކޮށް، އޮލިމްޕިކް ސޮލިޑާރިޓީގެ ފަރާތުންނެވެ.

ހުށަހަޅަންޖެހޭ ސުންގަޑި: 11 ފެބްރުވަރީ 2026 ގެ 12:00 ގެ ކުރިން މިއެސޯސިއޭޝަނަށް އީމެއިލް info@swimming.org.mv މެދުވެރިކޮށް.

އީމެއިލް އާއިއެކު އެޓޭޗް ކުރައްވަންޖެހޭ ތަކެތި:

• އެ ކޯޗެއްގެ ސީވީ
• ކޯޗިންގ ޕޯރޓްފޯލިއޯ (ފެތުމުގެ ކުޅިވަރުތައް ކުރިއެރުވުމަށް ކޮށްފައިވާ މަސައްކަތްތައް އިނގޭނެ ގޮތަށް)
• ޕްރޮޖެކްޓް ޕްރޮޕޯސަލް (ބްރޯޝަރ ގައިވާގޮތަށް ތައްޔާރުކުރެވިފައިވާ)
• ދިވެހިރައްޔިތެއްކަން އަންގައިދޭ ކާޑުގެ ކުލަ ސްކޭން ކޮޕީ
• މުއްދަތު ހަމަނުވާ ޕާސްޕޯރޓްގެ ކުލަ ސްކޭން ކޮޕީ
• ތަޢުލީމީ ސެޓްފިކެޓްތަކުގެ ކުލަ ސްކޭން ކޮޕީ
• ފެތުމުގެ ދާއިރާއިން އަދި ކޯޗިންގ ގެ ދާއިރާއިން ހޯދައިފައިވާ ސެޓްފިކެޓްތައް އަދި ކާމިޔާބީ އަންގައިދޭ ލިޔުންތަކުގެ ކުލަ ސްކޭން ކޮޕީ
• މިނޫންވެސް، ސީވީގައި ބަޔާންކޮށްފައިވާ ކަންކަން ކަށަވަރުކުރުމަށް ބޭނުންވާ ލިޔުންތައް

our sponsors and partners

2026 ވަނަ އަހަރު އިންޓަނޭޝަނަލް އޮލިމްޕިކް އެކަޑަމީއިން އިންތިޒާމް ކޮށްގެން ގްރީސްގައި ބޭއްވުމަށް ހަމަޖެހިފައިވާ 66 ވަނަ އިންޓަނޭޝަނަލް ސެޝަން ފޮރ އޮލިމްޕިކް އެމްބެސެޑާރސް 2026 ގައި ދިވެހިރާއްޖެ ތަމްޞީލްކުރުމަށް ފޮނުވާ ޕާރޓިސިޕަންޓް ސެލެކްޝަންއަށް 1 އަންހެން އަދި 1 ފިރިހެން ކުއްޖެއްގެ ނަން ހުށަހުށަހެޅުމުގެ ފުރުޞަތު މޯލްޑިވްސް އޮލިމްޕިކް ކޮމިޓީއިން ވަނީ އެކޮމިޓީގައި އެފިލިއޭޓް ވެފައިވާ ކުޅިވަރު އެސޯސިއޭޝަންތަކަށް ހުޅުވާލާފައެވެ.

މިސެޝަނުގައި ދިވެހިރާއްޖެ ތަމްޞީލުކުރާ ބައިވެރިން ހޮވާނީ ކުޅިވަރު އެސޯސިއޭޝަންތަކުންނާއި މޯލްޑިވްސް އޮލިމްޕިކް ކޮމިޓީއިން ހުށަހަޅާ ނަންތަކުގެތެރެއިން އެބޭފުޅެއްގެ ވަނަވަރާއި އިންޓަވިއުއަށް ބެލުމަށްފަހު މޯލްޑިވްސް އޮލިމްޕިކް ކޮމިޓީއިންނެވެ.

ވީމާ، މިސެޝަނުގައި ބައިވެރިވާން ޝައުޤުވެރިވާ ފަރާތްތަކުން 09 ފެބްރުއަރީ 2026 ވާ ހޯމަ ދުވަހުގެ 14:00 ގެ ކުރިން މިކަމަށް އެދި މިއެސޯސިއޭޝަނަށް އީމެއިލް މެދުވެރިކޮށް ސިޓީ އާއި ސިޓީއާއިއެކު ހުށަހަޅަންޖެހޭ ލިޔުންތައް ހުށަހެޅުމަށް ދަންނަވަމެވެ.

ސެޝަނުގެ މަޢުލޫމާތު:

• ސެޝަނުގެ ނަން: 66 ވަނަ އިންޓަނޭޝަނަލް ސެޝަން ފޮރ ޔަންގ އޮލިމްޕިކް އެމްބެސެޑަރސް
• އޮގަނައިޒަރ: އިންޓަނޭޝަނަލް އޮލިމްޕިކް އެކަޑަމީ
  ބޭއްވޭ ތަން: ގްރީސް (އޮލިމްޕިއާ، އެތަންސް، ޑެލްފީ)
  ބޭއްވޭޭ ތާރީޚް: 2026 ވަނަ އަހަރުގެ ޖޫން މަހުގެ 6 ން 189 އަށް
• ސިޓީ ހުށަހަޅަންޖެހޭ ތާރީޚް: 09 ފެބްރުއަރީ 2026 ވާ ހޯމަ ދުވަހުގެ 14:00 ގެ ކުރިން، އީމެއިލް މެދުވެރިކޮށް
• ވިސާ: މިސެޝަނަށް ދިޔުމަށްޓަކައި ޝެންގަން ވިސާ ހެއްދުމަށް އިންޑިއާއަށް ނުވަތަ ސްރީލަންކާއަށް ވަޑައިގަންނަވަން ޖެހިވަޑައިގަންނަވާނެއެވެ.

މިސެޝަނުގައި ބައިވެރިވުމަށް އެދޭފަރާތްތަކުން ހުށަހަޅަންޖެހޭ ލިޔުންތައް:

• • މިސެޝަނުގައި ބައިވެރުވުމަށް އެދި ހުށަހަޅާ ސިޓީ.
  • މޯޓިވޭޝަން ލެޓަރ (500 ބަހަށްވުރެ ގިނަ ނުވާނެހެން)
  • ކުރިއަށް ގެންދަން ގަސްތުކުރާ ހަރަކާރްތަކުގެ ޕްލޭން (500 ބަހަށްވުރެ ގިނަ ނުވާނެހެން)
  • ނޮމިނޭޝަން ލެޓަރ.
  • ބަހުގެ ފެންވަރު އަންގައިދޭ ސެޓްފިކެޓް.
  • ޕާސްޕޯޓް ސައިޒުގެ ފޮޓޯ.
  • އެމީހެއްގެ ވަނަވަރު.
  • ތަޢުލީމީ ސެޓްފިކެޓްތަކުގެ ކޮޕީ.
  • ޕާސްޕޯރޓް ސްކޭން (31 ޑިސެމްބަރ 2025 އަށް މުއްދަތު ހަމަނުވާ)
  • އިގުރާރު (ޑިކްލަރޭޝަން އޮފް ކޮންސެންޓް)

މި ސެޝަނުގައި ބައިވެރިވުމަށް މިއެސޯސިއޭޝަނަށް ހުށަހަޅާ ނަންތަކުގައި އަންނަނިވި ޝަރުތުތައް ފުރިހަމަވާންވާނެއެވެ.

• 20 އަހަރާއި 30 އަހަރާއި ދެމެދުގެ އުމުރުގެ މީހެއްކަމުގައިވުން. (2026 ވަނަ އަހަރުގެ ޖެނުއަރީ މަހުގެ 01 ވަނަ ދުވަހަށް 20 އަހަރު ފުރިފައިވާ އަދި 2026 ވަނައަހަރުގެ ޑިސެމްބަރު މަހުގެ 31 ވަނަ ދުވަހުގެ ނިޔަލަށް 30 އަހަރު ނުފުރޭ ފަރާތްތައް)
• މިއެސޯސިއޭޝަނުގެ މެންބަރެއް ކަމުގައިވުން ނުވަތަ މިއެސޯސިއޭޝަނުގެ ވަގުތީ ނުވަތަ ދާއިމީ ވަޒީފާއެއްގައި ހުރި މީހެއްކަމުގައިވުން.
• އިނގިރޭސިބަހުން ރަނގަޅަށް ވާހަކަދައްކަން އިނގޭ މީހެއްކަމުގައިވުން.
• އިންޓަނޭޝަނަލް އޮލިމްޕިކް އެކަޑަމީގެ ޔަންގ ޕާރޓިސިޕަންޓްސް ސެޝަން ނުވަތަ އިންޓަރނޭޝަނަލް ސެޝަން ފޮރ ޔަންގ އޮލިމްޕިކް އެންބެސެޑަރސްގެ ސެޝަނެއްގައި މީގެކުރިން ބައިވެރިވެފައިވާ މީހެއްކަމުގައިނުވުން.
• ދިވެހިރައްޔިތެއް ކަމުގައިވުން.

މިއެސޯސިއޭޝަނުން ފޮނުވާ ނަންތައް ހޮވުމުގައި އަންނަނިވި މީހުންނަށް އިސްކަންދެވޭނެއެވެ.

• ބައިނަލްއަޤްވާމީ މުބާރާތްތަކުގައި ދިވެހިރާއްޖެ ތަމްޞީލްކޮށްފައިވާ މީހުން.
• މީގެކުރިން މި ސެޝަނުގައި ނުވަތަ މިފަދަ ސެޝަނެއްގައި ބައިވެރި ނުވާ މީހުން.
• ސްވިމިންގ އެސޯސިއޭޝަނުގެ ޚަރަކާތްތަކުގައި އެކްޓިވްކޮށް ޚަރަކާތްތެރިވާ މީހުން.
• ސްވިމިންގ އެސޯސިއޭޝަނުގައި ވަޒީފާ އަދާކުރަމުންދާ މީހުން.
• ޖީ.ސީ.އީ އޯލެވެލް (ނުވަތަ އެފެންވަރުގެ ނުވަތަ އެއަށްވުރެން މަތީފެންވަރެއްގެ އިމްތިހާނަކުން) އިނގިރޭސި، މިމާއްދާއިން ދަށްވެގެން ސީ ފާސް ލިބިފައިވާ މީހުން.

މި ސެސަޝަނުގެ ބައިވެރިންނަށް ބޭނުންވާ އިތުރު މަޢުލޫމާތު (މުޙިއްމު):

• އޮލިމްޕިކް ވެލިއުސް އާއި ބެހޭ މަޢުލޫމާތު: އޮލިމްޕިކް ވެލިއުސް ޓޫލްކިޓް
• އިންޓަނޭޝަނަލް އޮލިމްޕިކް އެކަޑަމީ ގެ މިސެޝަނާއި ބެހޭ މަޢުލޫމާތު: ލިންކު

our sponsors and partners