association logo

ސްވިމިންގ އެސޯސިއޭޝަނުގެ 4 ވަނަ އިންތިޚާބުގައި، ކޯޗުންގެ ރިޕްރެޒެންޓޭޓިވްގެ ވޯޓު އެއްވަރުވެފައިވާތީ، އެމަޤާމަށް މެންބަރަކު އިންތިޚާބުކުރުމަށް ބޭއްވޭ ވޯޓުލުން 4 ނޮވެމްބަރު 2020 ވާ ބުދަ ދުވަހުގެ ހެނދުނު 10:00 މިއެސޯސިއޭޝަނުގެ މީޓިންގރޫމް ގައި ބޭއްވުމަށް ވަނީ ނިންމާފައެވެ. މިއީ، މިއެސޯސިއޭޝަނުގެ 4 ވަނަ އިންތިޚާބުގެ ބައެއްކަމުގައި ވާތީވެ، ވޯޓިންގ ލިސްޓާއި، ކެންޑިޑޭޓުންނާއި، އިންތިޚާބާއި ވޯޓުލުމާއި ގުޅުންހުރި އިތުރު އެހެން އެއްވެސް ކަމަކަށް ބަދަލެއް ނާންނާނެއެވެ.

ވީމާ، މިވާހަކަ މިއެސޯސިއޭޝަނުގެ މެންބަރު ކޯޗުންގެ މަޢުލޫމާތައްޓަކައި ދަންނަވަމެވެ.

• ތަން: ސްވިމިންގ އެސޯސިއޭޝަނުގެ މީޓިންގ ރޫމް، ގަލޮޅުދަނޑު، ޝަބްނަމްމަގު، މާލެ، ދިވެހިރާއްޖެ
• ތާރީޚް: 04 ނޮވެމްބަރު 2020 (ބުދަ)
• ރިޕޯރޓްކުރަންޖެހޭ ގަޑި: ހެނދުނު 10:00
• އިތުރު ތަފްޞީލް: އިލެކްޝަންސްގެ ލިންކުން

ކުރިން ޕްރޮކްސީ ފޯރމު ހުށަހަޅާފައިވާ ފަރާތްތަކުން އަލުން ޕްރޮކްސީ ފޯރމް ފުރިހަމަކުރާކަށް ނުޖެހޭނެއެވެ. ނަމަވެސް، އެއްވެސް ބަދަލެއް އަންނަނަމަ އެސޯސިއޭޝަނުގެ ޖެނެރަލް ސެކްރެޓަރީއަށް އެމެންބަރަކު ރަޖިސްޓްރީ ކޮށްފައިވާ އީމެއިލްއެއް މެދުވެރިކޮށް އަންގަން ވާނެއެވެ. އަދި، ޕްރޮކްސީއެއް ހުށަހަޅާނަމަ، ޕްރޮކްސީ ފޯރމު ފުރިހަމަކުރުމަށްފަހު އެސޯސިއޭޝަނުގެ އިދާރާއަށް ހުށަހެޅުއްވުމަށް ނުވަތަ، އެމެންބަރަކު ރަޖިސްޓްރީ ކޮށްފައިވާ އީމެއިލް މެދުވެރިކޮށް އެސޯސިއޭޝަނަށް ހުށަހެޅުއްވުމަށް ދަންނަވަމެވެ.

ވަޑައިގަންނަވާއިރު، އެސޯސިއޭޝަނުގެ މެންބަރޝިޕް ކާޑު ނުވަތަ، ނެޝަނަލް އައިޑެންޓިޓީ ކާޑު ނުވަތަ، ސަރުކާރުގެ ރަސްމީއިދާރާއަކުން ދޫކޮށްފައިވާ ކާކުކަން އަންގައިދޭ ފޮޓޯޖެހި ލިޔުމެއް ގެންނެވުން އެދެމެވެ. އަދި، ކޮންމެ ބޭފުޅަކުވެސް ހެލްތު ޕްރޮޓެކްޝަން އެޖެންސީއިން ދެއްވާފައިވާ ލަފައާއި އެއްގޮތަށް އަނގަޔާއި ނޭފަތް ނިވާވާނޭ ގޮތަށް މާސްކް އަޅުއްވައި، ވޯޓު ކަރުދާސްކޮޅުގައި ފާހަގަޖެއްސެވުމަށް ކަޅު ނުވަތަ ނޫ ކުލައިގެ ގަލަމެއް ގެންނެވުމަށް ދަންނަވެމެވެ.

our sponsors and partners

ސްވިމިންގ އެސޯސިއޭޝަން އޮފް މޯލްޑިވްސްގެ ރައީސްގެ މަޤާމަށް މުޙައްމަދު ޢަބްދުއްސައްތާރު ހޮވައިފިއެވެ.

މިއެސޯސިއޭޝަނުގެ ހިންގާ ކޮމިޓީއަށް މެންބަރުން ހޮވުމަށް މިއަދު ހުޅުމާލޭ ސްޕޯރޓްސް ކޮމްޕްލެކްސް ސްވިމިންގ ޕޫލުގައި ބޭއްވުނު ޚާއްސަގޮތުން ކުރެވުނު އާންމު ޖަލްސާގައެވެ. ކުރިއަށް އޮތް 4 އަހަރު އެސޯސިއޭޝަނުގެ ހިންގާ ކޮމިޓީ ތިރީގައި އެވަނީއެވެ.

Ali Shameem

treasurer

Ahmed Raidh Ali

technical members representative

Raheema Adam

individual member representative (female)

Hassan Siraar

individual member representative (male)

މިއަދު ބޭއްވުނު ޖަލްސާގައި ހިންގާ ކޮމިޓީގެ 9 މެންބަރުންގެ ތެރެއިން ހޮވާފައިވަނީ 7 މެންބަރުންނެވެ. ކޯޗުންގެ ރެޕްރެޒެންޓޭޓިވްގެ މަޤާމުގެ ވޯޓު އެއްވަރުވުމާއި ގުޅިގެން އައު އެގްޒެކެޓިވް ކޮމިޓީއިން ނިންމާ ގޮތެއްގެ މަތީން އެމަޤާމަށް ފަހުގެ ތާރީޚެއްގައި މީހަކު ހޮވުމަށް ވަނީ ހަމަޖެހިފައެވެ.

ސްވިމިންގ އެސޯސިއޭޝަނުގެ ޖެނެރަލް ސެކްރެޓަރީގެ މަޤާމަކީ އެގްޒެކެޓިވް ކޮމިޓީގެ ލަފާގެ މަތީން، އެސޯސިއޭޝަނުގެ ރައީސް އައްޔަނުކުރާ މެންބަރެކެވެ.

association logo

ސްވިމިންގ އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބުގެ ވޯޓުލުން ބޭއްވޭނެ ތަނާއި ވަގުތު:

• ތަން: ހުޅުމާލޭ ސްޕޯރޓްސް ކޮމްޕްލެކްސް (ހުޅުމާލޭ ސްވިމިންގ ޕޫލް ހުންނަ ބިލްޑިންގ)
• ތާރީޚް: 25 ޖުލައި 2020
• ރިޕޯރޓްކުރަންޖެހޭ ގަޑި: ހެނދުނު 10:30
• އިތުރު ތަފްޞީލް: އިލެކްޝަންސްގެ ލިންކުން

ޖަލްސާއަށް ވަޑައިގަންނަވާއިރު، އެސޯސިއޭޝަނުގެ މެންބަރޝިޕް ކާޑު ނުވަތަ، ނެޝަނަލް އައިޑެންޓިޓީ ކާޑު ނުވަތަ، ސަރުކާރުގެ ރަސްމީއިދާރާއަކުން ދޫކޮށްފައިވާ ކާކުކަން އަންގައިދޭ ފޮޓޯޖެހި ލިޔުމެއް ގެންނެވުން އެދެމެވެ. އަދި، ކޮންމެ ބޭފުޅަކުވެސް ހެލްތު ޕްރޮޓެކްޝަން އެޖެންސީއިން ދެއްވާފައިވާ ލަފައާއި އެއްގޮތަށް އަނގަޔާއި ނޭފަތް ނިވާވާނޭ ގޮތަށް މާސްކް އަޅުއްވައި، ވޯޓު ކަރުދާސްކޮޅުގައި ފާހަގަޖެއްސެވުމަށް ކަޅު ނުވަތަ ނޫ ކުލައިގެ ގަލަމެއް ގެންނެވުމަށް ދަންނަވެމެވެ.

ވީމާ، އެސޯސިއޭޝަނުގެ ހުރިހާ މެންބަރުންގެ މަޢުލޫމާތައްޓަކައި މިވާހަކަ ދަންނަވަމެވެ.

our sponsors and partners

association logo

ކޮވިޑް ނަވާރައާއި ގުޅިގެން ސަރުކާރު ބަންދުކޮށްފައިވާ ކުރުން ނިމުމަކަށް އައިސް، އާންމު ޙާލަތަކަށް ރުޖޫޢަވެ ސަރުކާރު ހުޅުވޭތާ 30 ދުވަހުގެ ތެރޭގައި މިއެސޯސިއޭޝަނުގެ ހިންގާ ކޮމިޓީގެ އިންތިޚާބު ބޭއްވުމަށާއި، އައު ހިންގާ ކޮމިޓީ އިންތިޚާބުކުރުމާ ހަމައަށް މިހާރު އިންތިޚާބުކޮށްފައިވާ ހިންގާ ކޮމިޓީ ދެމިއޮތުމުގެ ހުއްދަ ކޮމިޝަނަރ އޮފް ސްޕޯޓްސް ގެފަރާތުންނާއި ބައިނަލްއަޤްވާމީ ފެތުމުގެ ކުޅިވަރުތަކާއިބެހޭ ޖަމްޢިއްޔާ (ފީނާ) އިން ވަނީ ދެއްވާފައެވެ.

ވީމާ، މިވާހަކަ މިއެސޯސިއޭޝަނުގެ ހުރިހާ މެންބަރުންގެ މަޢުލޫމާތައްޓަކައި ދަންނަވަމެވެ.

our sponsors and partners

association logo

މިއެސޯސިއޭޝަނުގެ 4 ވަނަ އިންތިޚާބުގެ ވޯޓުލުން ބާއްވާ ތާރީޚް ފަސްކުރެވިފައިވާ ވާހަކަ މިއެސޯސިއޭޝަނުގެ ހުރިހާ މެންބަރުންނާއި، އިންތިޚާބީ ކެންޑިޓޭޓުނަށް އަންގައި އިޢުލާނު ކުރަމެވެ.

މިގޮތަށް، އިންތިޚާބުގައި ވޯޓުލުމަށް ހަމަޖައްސާފައިވާ ތާރީޚް ފަސްކޮށްފައި ވަނީ ކޯވިޑް-19 އާއި ގުޅިގެން ދިވެހިރާއްޖޭގައި ސިއްޙީ ކުއްލި ނުރައްކަލުގެ ޙާލަތު އިޢުލާނުކޮށް ރައްޔިތުންގެ ރައްކާތެރިކަމަށްޓަކައި ގޭގައި މަޑުކުރުމަށް ސިއްޙީ މާހިރުން ދެއްވާ ލަފަޔާއި ސަރުކާރުން އަޅުއްވާފައިވާ އަދި މިހާރުވެސް އަޅުއްވަމުންދާ ފިޔަވަޅުތަކަށް ފުރިހަމައަށް އެއްބާރުލުން ދިނުމުގެ ގޮތުންނެވެ. ސްވިމިންގ އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބުގެ ވޯޓުލުން ބޭއްވޭނެ ތާރީޚް، ގަޑި އަދި ބޭއްވޭނެ ތަން ފަހުން ޢިއުލާނު ކުރާނެ ވާހަކަ ދަންނަވަމެވެ.

އަދި ދަންނަވަމެވެ. އެސޯސިއޭޝަނުގެ 4 ވަނަ އިންތިޚާބުގައި ވޯޓުލުމަށް ކަނޑައަޅާފައިވާ ތާރީޚް ފަސްކުރި ނަމަވެސް، އިންތިޚާބާއި ގުޅުންހުރި އިތުރު އެހެން އެއްވެސް ކަމަކަށް ބަދަލެއް ނާންނާނެއެވެ.

our sponsors and partners

association logo

މިއެސޯސިއޭޝަނުގެ 4 ވަނަ އިންތިޚާބުގެ ވޯޓުލުން ބާއްވާ ތާރީޚް ބަދަލުކޮށް، 20 އެޕްރީލް 2020 ވާ ހޯމަ ދުވަހަށް ފަސްކުރެވިފައިވާ ވާހަކަ މިއެސޯސިއޭޝަނުގެ ހުރިހާ މެންބަރުންނާއި، އިންތިޚާބީ ކެންޑިޓޭޓުނަށް އަންގައި އިޢުލާނު ކުރަމެވެ.

މިގޮތަށް، އިންތިޚާބުގައި ވޯޓުލުމަށް ހަމަޖައްސާފައިވާ ތާރީޚް ބަދަލުކޮށްފައިވަނީ ކޯވިޑް-19 އާއި ގުޅިގެން ދިވެހިރާއްޖޭގައި ސިއްޙީ ކުއްލި ނުރައްކަލުގެ ޙާލަތު އިޢުލާނުކޮށް ރައްޔިތުންގެ ރައްކާތެރިކަމަށްޓަކައި ގޭގައި މަޑުކުރުމަށް ސިއްޙީ މާހިރުން ދެއްވާ ލަފަޔާއި ސަރުކާރުން އަޅުއްވާފައިވާ އަދި މިހާރުވެސް އަޅުއްވަމުންދާ ފިޔަވަޅުތަކަށް އެއްބާރުލުން ދިނުމުގެ ގޮތުންނެވެ.

އަދި ދަންނަވަމެވެ. އެސޯސިއޭޝަނުގެ 4 ވަނަ އިންތިޚާބުގައި ވޯޓުލުމަށް ކަނޑައަޅާފައިވާ ތާރީޚް ފަސްކުރި ނަމަވެސް، އިންތިޚާބާއި ގުޅުންހުރި އިތުރު އެހެން އެއްވެސް ކަމަކަށް ބަދަލެއް ނާންނާނެއެވެ.

ސްވިމިންގ އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބުގެ ވޯޓުލުން ބޭއްވޭނެ ތަނާއި ވަގުތު:

• ތަން: މާލޭ ޔޫތު ސެންޓަރު
• ތާރީޚް: 20 އެޕްރީލް 2020
• ރިޕޯރޓްކުރަންޖެހޭ ގަޑި: ރޭގަނޑު 20:15
• އިތުރު ތަފްޞީލް: އިންތިޚާބާއި ގުޅޭ މަޢުލޫމާތު ވެބް ޕޭޖް: ލިންކު

ޖަލްސާއަށް ވަޑައިގަންނަވާއިރު، އެސޯސިއޭޝަނުގެ މެންބަރޝިޕް ކާޑު ނުވަތަ، ނެޝަނަލް އައިޑެންޓިޓީ ކާޑު ނުވަތަ، ސަރުކާރުގެ ރަސްމީއިދާރާއަކުން ދޫކޮށްފައިވާ ކާކުކަން އަންގައިދޭ ފޮޓޯޖެހި ލިޔުމެއް ގެންނެވުން އެދެމެވެ. ޕްރޮކްސީ ފޯރމްތައް ޙަވާލުކުރެއްވުމަށް މިއެސޯސިއޭޝަނުގެ ޖެނެރަލް ސެކްރެޓަރީއާއި ގުޅުއްވައި، ފޯރމު ހުށަހެޅުއްވުމުގެ ކަންކަން ހަމަޖެއްސެވުން އެދެމެވެ.

our sponsors and partners

association logo

ސްވިމިންގ އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބުގެ ވޯޓުލުން ބޭއްވޭނެ ތަނާއި ވަގުތު:

• ތަން: މާލޭ ޔޫތު ސެންޓަރު
• ތާރީޚް: 11 އެޕްރީލް 2020
• ރިޕޯރޓްކުރަންޖެހޭ ގަޑި: ހެނދުނު 08:30
• އިތުރު ތަފްޞީލް: އިލެކްޝަންސްގެ ލިންކުން

ޖަލްސާއަށް ވަޑައިގަންނަވާއިރު، އެސޯސިއޭޝަނުގެ މެންބަރޝިޕް ކާޑު ނުވަތަ، ނެޝަނަލް އައިޑެންޓިޓީ ކާޑު ނުވަތަ، ސަރުކާރުގެ ރަސްމީއިދާރާއަކުން ދޫކޮށްފައިވާ ކާކުކަން އަންގައިދޭ ފޮޓޯޖެހި ލިޔުމެއް ގެންނެވުން އެދެމެވެ. ޕްރޮކްސީ ފޯރމްތައް ޙަވާލުކުރެއްވުމަށް މިއެސޯސިއޭޝަނުގެ ޖެނެރަލް ސެކްރެޓަރީއާއި ގުޅުއްވައި، ފޯރމު ހުށަހެޅުއްވުމުގެ ކަންކަން ހަމަޖެއްސެވުން އެދެމެވެ.

ވީމާ، އެސޯސިއޭޝަނުގެ ހުރިހާ މެންބަރުންގެ މަޢުލޫމާތައްޓަކައި މިވާހަކަ ދަންނަވަމެވެ.

our sponsors and partners

association logo

2020 ވަނަ އަހަރުގެ މާރިޗް މަހުގެ 28 ވާ ހޮނިހިރު ދުވަހު ބޭއްވުމަށް ކުރިން ހަމަޖެހިފައިވާ މިއެސޯސިއޭޝަނުގެ 4 ވަނަ އިންތިޚާބުގެ ވޯޓުލުން 11 އެޕްރީލް 2020 ވާ ހޮނިހިރު ދުވަހަށް ފަސްކުރެވިފައިވާ ވާހަކަ މިއެސޯސިއޭޝަނުގެ ހުރިހާ މެންބަރުންނާއި، އިންތިޚާބީ ކެންޑިޓޭޓުނަށް އަންގައި އިޢުލާނު ކުރަމެވެ.

މިގޮތަށް، އިންތިޚާބުގައި ވޯޓުލުމަށް ހަމަޖައްސާފައިވާ ތާރީޚް ބަދަލުކޮށްފައިވަނީ ކޯވިޑް-19 އާއި ގުޅިގެން ދިވެހިރާއްޖޭގައި ސިއްޙީ ކުއްލި ނުރައްކަލުގެ ޙާލަތު އިޢުލާނުކޮށް ރައްޔިތުންގެ ރައްކާތެރިކަމަށްޓަކައި ގޭގައި މަޑުކުރުމަށް ސިއްޙީ މާހިރުން ދެއްވާ ލަފަޔާއި ސަރުކާރުން އަޅުއްވާފައިވާ ފިޔަވަޅުތަކަށް އެއްބާރުލުން ދިނުމުގެ ގޮތުންނެވެ.

އަދި ދަންނަވަމެވެ. އެސޯސިއޭޝަނުގެ 4 ވަނަ އިންތިޚާބުގައި ވޯޓުލުމަށް ކަނޑައަޅާފައިވާ ތާރީޚް ފަސްކުރި ނަމަވެސް، އިންތިޚާބާއި ގުޅުންހުރި އިތުރު އެހެން އެއްވެސް ކަމަކަށް ބަދަލެއް ނާންނާނެއެވެ.

އިންތިޚާބީ ޖަލްސާއޮންނާނެ ވަގުތާއި ތަން 4 އެޕްރީލް 2020 ވަނަ ދުވަހު އިޢުލާނު ކުރެވޭނެއެވެ.

އިންތިޚާބާއި ގުޅޭ މަޢުލޫމާތު ވެބް ޕޭޖް: ލިންކު

our sponsors and partners

association logo

ސްވިމިންގ އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބާއި ގުޅިގެން އެކުލަވާލެވުނު “ސްވިމިންގ އެސޯސިއޭޝަނުގެ 4 ވަނަ އިންތިޚާބާއި ބެހޭ ޤަވާއިދު”ގެ (2.) ވަނަ މާއްދާގެ (ކ) ގައި ބަޔާންކޮށްފައިވާ 19 މާރިޗް 2020 ވާ ބުރާސްފަތި ދުވަހުގެ 13:00ގެ ސުންގަޑި ހަމަވީއިރު، 15 މާރިޗް 2020 ވަނަ ދުވަހު އާންމުކުރެވުނު ވޯޓަރސް ލިސްޓާއި ގުޅޭގޮތުން ރަސްމީކޮށް އެއްވެސް މައްސަލައެއް އެސޯސިއޭޝަނަށް ހުށަހެޅިފައި ނުވާކަމަށްޓަކައި، 15 މާރިޗް 2020 ވަނަ ދުވަހު އިންތިޚާބުގައި ވާދަކުރާ ކެންޑިޑޭޓުންނާއި ޙަވާލުކުރެވި، މިއެސޯސިއޭޝަނުގެ ވެބްސައިޓުގައި އާންމުކުރެވުނު ވޯޓަރސް ލިސްޓަކީ، 28 މާރިޗް 2020 ވަނަ ދުވަހު ބޭއްވުމަށް ހަމަޖެހިފައިވާ މިއެސޯސިއޭޝަނުގެ 4 ވަނަ އިންތިޚާބުގައި ވޯޓުލެވޭ މީހުންގެ ފައިނަލް އަދި ރަސްމީ ލިސްޓުކަމުގައި ދަންނަވަމެވެ.

އިންތިޚާބާއި ގުޅޭ މަޢުލޫމާތު ވެބް ޕޭޖް: ލިންކު

our sponsors and partners

association logo

ސްވިމިންގ އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބުގެ ކަންކަން ބެލެހެއްޓުމަށް 10 މާރިޗު 2020 ވަނަ ދުވަހު ތިރީގައިވާ މެންބަރުން ހިމެނޭގޮތަށް، އިންތިޚާބީ ކޮމިޓީ ވަނީ އެކުލަވާލާފައެވެ.

1- އަޙްމަދު ޢަބީރު އިސްމާޢީލް

2- ޢަލީ ސަލީމް

3- މުޙައްމަދު އަނީލް ޢަބްދުއްލަޠީފް

ވީމާ، އެސޯސިއޭޝަނުގެ ހުރިހާ މެންބަރުންނާއި، އެސޯސިއޭޝަނުގެ އިންތިޚާބުގައި ވާދަކުރާ ހުރިހާ ކެނޑިޑޭޓުންގެ މަޢުލޫމާތައްޓަކައި މިވާހަކަ ދަންނަވަމެވެ.

our sponsors and partners

association logo

ސްވިމިންގ އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބު 2020 ވަނަ އަހަރުގެ މާރިޗު މަހުގެ 28 ވާ ހޮނިހުރި ދުވަހު ބޭއްވުމަށް ވަނީ ހަމަޖެހިފައެވެ. ވީމާ މި އިންތިޚާބުގައި ވާދަކުރަން އެދޭ ފަރާތްތަކަށާއި މެންބަރުންނަށް ފުރުޞަތު ހުޅުވާލެވިފައިވާ ވާހަކަ އާންމުކޮށް އަންގައި އިޢުލާނު ކުރަމެވެ. އިންތިޚާބީ ޖަލްސާއޮންނާނެ ވަގުތާއި ތަން ފަހުން އިޢުލާނު ކުރެވޭނެއެވެ. އިންތިޚާބުގެ ޤަވާއިދާއި ފޯމުތައް އެސޯސިއޭޝަނުގެ ވެބްސައިޓުން ޑައުންލޯޑު ކުރެވޭނެއެވެ.

އިންތިޚާބުގެ ޤަވާއިދު: ޑައުންލޯޑު ލިންކު

އިންތިޚާބާއި ގުޅޭ އިތުރު މަޢުލޫމާތު އަދި ފޯމުތައް: އިލެކްޝަންސް އިންފޮމޭޝަން ޕޭޖު

our sponsors and partners