އިންޓަރނޭޝަނަލް އޮލިމްޕިކް އެކަޑަމީ އާއި ޔުނިވަރސިޓީ އޮފް ޕެލޮޕޮނީސް ގުޅިގެން ހިންގުމަށް ހަމަޖެހިފައިވާ މާސްޓަރސް ޑިގްރީ ޕްރޮގްރާމް ‘އޮލިމްޕިކް ސްޓަޑީޒް، އޮލިމްޕިކް އެޑިއުކޭޝަން، އޮގަނައިޒޭޝަން އެންޑް މެނޭޖްމަންޓް އޮފް އޮލިމްޕިކް އިވެންޓްސް’ ގައި ކިޔެވުމަށް ނަންހުށަހެޅުމުގެ ފުރުޞަތު މޯލްޑިވްސް އޮލިމްޕިކް ކޮމިޓީގެ ފަރާތުން އެކޮމިޓީގެ މެންބަރު ހުރިހާ ކުޅިވަރު އެސޯސިއޭޝަންއަށް ވަނީ ހުޅުވާލާފައެވެ.
މާސްޓަރސް ޕްރޮގްރާމާއި ބެހޭ މަޢުލޫމާތު:
- ޕްރޮގްރާމްގެ ނަން: މާސްޓަރސް އިން އޮލިމްޕިކް ސްޓަޑީޒް، އޮލިމްޕިކް އެޑިއުކޭޝަން، އޮގަނައިޒޭޝަން އެންޑް މެނޭޖްމަންޓް އޮފް އޮލިމްޕިކް އިވެންޓްސް
- ބޭއްވޭތަން: އޮލިމްޕިއާ، ގްރީސް
- ފުރަތަމަ ސެމިސްޓަރގެ ތާރީޚް: 2024 ވަނަ އަހަރުގެ ސެޕްޓެމްބަރ 20 ން 23 ނޮވެމްބަރ އަށް
- ދެވަނަ ސެމިސްޓަރގެ ތާރީޚް: 2025 ވަނަ އަހަރުގެ އެޕްރީލް 4 ން 8 ޖޫން އަށް
- އިތުރު މަޢުލޫމާތު: ލިންކު
- މަޢުލޫމާތު ސާފުކުރެއްވުމަށް: މޯލްޑިވްސް އޮލިމްޕިކް ކޮމިޓީ، ފޯނު: 3346640، އީމެއިލް: info@olympic.mv
އިންޓަނޭޝަނަލް އޮލިމްޕިކް އެކަޑަމީއިން އެކްސެޕްޓް ކުރާ ކެނޑިޑޭޓުންގެ ތެރެއިން އޮލިމްޕިކް ސޮލިޑާރިޓީއިން ސްކޮލަރޝިޕް ލިބޭ ދަރިވަރުންނަށް ހިލޭ ކިޔެވުމުގެ ފުރުޞަތު ލިބިގެންދާ މި މާސްޓަރސް ޑިގްރީ ޕްރޮގްރާމްގައި ބައިވެރިވާން ޝައުގުވެރިކަން ހުންނަ މިއެސޯސިއޭޝަނުގެ މެންބަރުން، މިކަމަށް އެދި 17 މާރޗް 2024 ވާ އާދީއްތަ ދުވަހުގެ 12:00ގެ ކުރިން މިކަމަށް އެދި ސިޓީ ނުވަތަ އީމެއިލް މެދުވެރިކޮށް ހުށަހެޅުއްވުން އެދެމެވެ.
ސުންގަޑި: 17 މާރޗް 2024 ވާ އާދީއްތަ ދުވަހުގެ 12:00ގެ ކުރިން
ޝަރުތު:
- ބެޗްލަރސް ޑިގްރީ ހާސިލްކޮށްފައިވާ ފަރާތެއް ކަމުގައިވުން.
- ސްވިމިންގ އެސޯސިއޭޝަނުގެ މެންބަރެއްކަމުގައިވުން.
- އުމުރުން 18 އަހަރު ފުރިފައިވާ މީހެއް ކަމުގައިވުން.
ހުށަހަޅުއްވަންޖެހޭ ތަކެތި:
- އިންޓަނޭޝަނަލް އޮލިމްޕިކް އެކަޑަމީއަށް އެޑްރެސްކޮށްފައިވާ ކަވަރ ލެޓަރ.
- ކުޅިވަރުގެ ދާއިރާއިންނާއި، ޕްރޮފެޝަނަލް ދާއިރާއިން ކޮށްދީފައިވާ ޚިދުމަތްތަކާއި، ހޯދާފައިވާ ކާމިޔާބުތަކާއި، ތަޢުލީމްގެ ތަފްޞީލް އަދި މަސައްކަތުގެ ތަޖުރިބާ ހިމެނޭގޮތަށް ތައްޔާރުކޮށްފައިވާ ފުރިހަމަ ސީވީ
- ކުޅިވަރު ޚަރަކާތްތަކުގައި (ކުޅުންތެރިއެއް، އޮފިޝަލެއް އެޑްމިނިސްޓްރޭޝަން ނުވަތަ މެނޭޖްމަންޓް ފީލްޑްގައި ނަމަވެސް) މިހާރުވެސް އުޅެމުންދާކަމުގެ ލިޔުންތަކުގެ ސްކޭން.
- ދިވެހިރައްޔިތެއްކަން އަންގައިދޭ ކާރޑްގެ ސްކޭން.
- ސަރުކާރުގެ އިދާރާއަކުން އެޓެސްޓްކޮށްފައިވާ ތަޢުލީމީ ސެޓްފިކެޓްތަކުގެ ސްކޭން.
- އެމް.ކިއު.އޭ އިން އެކްރިޑިޓް ކޮށް، ސަރުކާރުގެ އިދާރާއަކުން އެޓެސްޓްކޮށްފައިވާ ބެޗްލަރސް ޑިގްރީ ގެ ސްކޭން އަދި އެ ޑިގްރީގެ ފުރިހަމަ ޓްރާންސްކްރިޕްޓް.
- ޕޯސްޓްގްރެޖުއޭޓް ޑިގްރީ ހާސިލްކޮށްފައިވާނަމަ، އެމް.ކިއު.އޭ އިން އެކްރިޑިޓް ކޮށް، ސަރުކާރުގެ އިދާރާއަކުން އެޓެސްޓްކޮށްފައިވާ ޕޯސްޓްގްރެޖުއޭޓް ޑިގްރީ ގެ ސްކޭން އަދި އެ ޑިގްރީގެ ފުރިހަމަ ޓްރާންސްކްރިޕްޓް.
- ބެޗްލަރސް އަދި ޕޯސްޓްގްރެޖުއޭޓް ޑިގްރީތަކުގައި ތީސިސްއެއް ހިމެނޭނަމަ، އެ ތީސިސްގެ ސްކޭން ނުވަތަ ޕީ.ޑީ.އެފް ފައިލް.
- ސަރުކާރުގެ އިދާރާއަކުން އެޓެސްޓްކޮށްފައިވާ އިނގިރޭސި ބަހުން ލިޔަން ކިޔަން އިނގޭކަމުގައި ސެޓްފިކެޓެއްގެ ސްކޭން (ޖީ.ސީ.އީ ނުވަތަ އައި.ޖީ.ސީ.އެސް.އީ އޯލެވެލް، ސީ.އޭ.އީ، ސީ.ޕީ.އީ، އައި.އެލް.ޓީ.އެސް، ޓީ.އޯ.އީ.އެފް.އެލް ފަދަ)
- އެކެޑަމިކް ޕަބްލިކޭޝަން އެއް އޮތްނަމަ، އޭގެ ތަފްޞީލު.
- ސީވީގައި ހިމަނާފައިވާ ކަންކަމަށް ބާރުދޭ ލިޔުންތަކުގެ ސްކޭން.
- ޕާސްޕޯޓުގެ ބަޔޯ ޑޭޓާ ޕޭޖުގެ ސްކޭން.
- ޕާސްޕޯޓު ސައިޒްގެ ފޮޓޯއެއްގެ ސޮފްޓްކޮޕީ.
- އެޕްލިކޭޝަން ފޯރމް
- އިރުރަށް ހުށަހަޅަން ބޭނުންވާ ލިޔުންތަކުގެ ސްކޭން.
- ނޯޓު: ހުރިހާ ސްކޭންއެއް ހުންނަންވާނީ، ސާފުކޮށް އަދި ކުލަކޮށެވެ.
our sponsors and partners