aan
ލޯންގކޯސް 100 މީޓަރ ފްރީސްޓައިލް އިވެންޓުގެ ޤައުމީ ރެކޯރޑް މުޙައްމަދު އާން ޙުސައިން އާކޮށްފިއެވެ. ފިލިޕީންސްގެ ނިއު ކްލާރކް ސިޓީގައި މިހާރު ކުރިއަށްދާ 11 ވަނަ އޭޝިއަން އޭޖް ގްރޫޕް އެކުއަޓިކްސް ޗެމްޕިއަންޝިޕް ގައި އާން މި ރެކޯރޑް އާކޮށްފައިވަނީ 4 ގުނަ 100 މީޓަރ ފްރީސްޓައިލް މިކްސްޑް ރިލޭ އިވެންޓުގައި 100 މީޓަރ ފްރީސްޓައިލްގެ ފުރަތަމަ ލެންތު 00:55.11 އިން ފުރިހަމަކޮށްގެންނެވެ.
މިރެކޯރޑް އެންމެފަހުން އާކޮށްފައިވަނީވެސް އާން އެވެ. އެއީ، 2022 ވަނަ އަހަރު ބޭއްވުނު ކޮމަންވެލްތު ގޭމްސްގައި 00:55.49 އިން ފުރިހަމަކޮށްގެންނެވެ.
މިއީ އާން މި މުބާރާތުގައި އާކުރި 2 ވަނަ ޤައުމީ ރެކޯރޑެވެ. އަދި ދިވެހި ފެތުންތެރިން މި މުބާރާތުގައި އާކުރި ފަސްވަނަ ޤައުމީ ރެކޯރޑެވެ.
our sponsors and partners